Dnyanradha Multistate Fraud Case: मनी लाँडरिंग प्रतिबंध कायद्यानुसार केलेल्या कारवाईत १८८.४१ कोटी रुपयांची मालमत्ता जप्त करण्यात आली आहे. यात संस्था जमिनी, इमारती, कारखाने यांचा समावेश आहे.
डीएमसीएसएलचे व्यवस्थापन आणि नियंत्रण असलेल्या सुरेश कुटे आणि सहकाऱ्यांनी सोसायटीच्या मदतीने मुदत ठेवींवर १२ ते १४ टक्के व्याजदराचे आमिष दाखवले. प्रत्यक्षात ठेवींची मुदत पूर्ण झाल्यावर गुंतवणूकदारांना परतावा मिळाला नाही. यामुळे सोसायटीशी संबंधित व्यक्तींविरोधात मे ते जुलै २०२४ दरम्यान राज्यातील विविध पोलिस ठाण्यात गुन्हा नोंदवण्यात आला आहे. या प्रकरणी ईडीकडून तपास सुरू आहे.
मुंबईत दोन कोटींचा हायड्रोपोनिक गांजा जप्त; थायलंड, मलेशियातून हवाई तस्करी, एकाला अटक
डीएमसीएसएलच्या व्यस्थापनाने राज्यातील गुंतवणूकदारांच्या निधीचा अपहार केला आहे. सुरेश कुटे आणि सहकाऱ्यांनी अंदाजे २,४६७ कोटी रुपयांचा निधी बेकायदा आणि फसवणूक करून वळता केला.
Monsoon 2025 Update: केरळमध्ये २७ मेपर्यंत मान्सूनचे आगमन; महाराष्ट्रात कधी बरसणार? हवामान विभागाकडून मोठी अपडेट
कुटे न्यायालयीन कोठडीत
इंडीने सर्वप्रथम ९ ऑगस्ट २०२४ मध्ये कारवाई करत ११ कोटींची संपत्तीवर टाच आणली. त्यानंतर २४ सप्टेंबरला ८५.८८ कोटी, ९ ऑक्टोबर रोजी १,००२.७९ कोटी, ५ नोव्हेंबर रोजी ३३३.८२ कोटींच्या जागांवर जप्तीची कारवाई केली. सद्यस्थितीत डीएमसीएसएलप्रकरणी एकूण १,६२१.८९ कोटी रुपयांची मालमत्ता जप्त केली आहे. डीएमसीएसएलचे व्यवस्थापन करणाऱ्या सुरेश कुटे याला ७ जानेवारी २०२५ला अटक केली असून तो सध्या न्यायालयाने कोठडीत आहे.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा