सुनील शंकरलाल अग्रवाल (वय ६१, रा. रामलक्ष्मी कॉलनी, कामठी), गौतम सुशील जैन (वय ५१, रा. रामदासपेठ), नीलेश बाबुलाल गडिया (वय ६१, रा. कमल पॅलेस, रामदासपेठ) आणि मितेश मोहनलाल खक्कर (वय ४८, रा. कमल पॅलेस, रामदासपेठ), अशी अटकेतील आरोपींची नावे आहेत. एक जण बिल्डर असून, सुनील आणि त्यांचे दोन मित्र प्रॉपर्टी डिलर आहेत.पोलिसांकडून प्राप्त माहितीनुसार, कामठी येथे सुनील अग्रवाल याचे ‘एस फार्म’ नावाचे फार्महाउस आहे. सॅटरडे नाइटला (शनिवारी रात्री) सुनीलने फार्महाउसवर रेव्ह पार्टीचे आयोजन केले. यासाठी मुंबईतून खास चार तरुणी बोलाविण्यात आल्या. या ठिकाणी एमडी, हुक्का व मद्याचीही व्यवस्था करण्यात आली. फार्महाउसमध्ये रेव्ह पार्टी सुरू असल्याची माहिती गुन्हेशाखेचे उपायुक्त राहुल माकणीकर यांना मिळाली. माकणीकर, साहाय्यक पोलिस आयुक्त अभिजित पाटील यांच्या मार्गदर्शनाखाली पोलिस निरीक्षक गजानन गुल्हाने, ललिता तोडासे, साहाय्यक पोलिस निरीक्षक मनोज घुरडे, हेडकॉन्स्टेबल विजय यादव, मनोज नेवारे, शैलेश डोबोले, पवन गजभिये, विवेक अढाऊ, रोहित काळे, अनुप यादव, व त्यांच्या सहकाऱ्यांनी मध्यरात्री १ वाजताच्या सुमारास फार्महाउसवर छापा टाकला.
Monsoon 2025 Update: केरळमध्ये २७ मेपर्यंत मान्सूनचे आगमन; महाराष्ट्रात कधी बरसणार? हवामान विभागाकडून मोठी अपडेट
तस्कारांविरुद्ध मोहीम सुरूच
पोलिस आयुक्त डॉ. रवींद्रकुमार सिंगल यांनी अमली पदार्थमुक्त शहर अभियानासाठी ड्रग्ज तस्करांची धरपकड करण्यासह कठोर कारवाईचे निर्देश दिले आहेत. त्यानुसार शहर पोलिसांनी तस्करांविरुद्ध कारवाईसाठी विशेष मोहीम सुरू केली आहे. जानेवारी ते एप्रिल या चार महिन्यांत पोलिसांनी तब्बल १०३ तस्कारांना अटक केली. त्यांच्याकडून सव्वा कोटीचे ड्रग्ज जप्त केले.
मुंबईत दोन कोटींचा हायड्रोपोनिक गांजा जप्त; थायलंड, मलेशियातून हवाई तस्करी, एकाला अटक
एमडीचा पुरवठा केला कुणी ?
पोलिसांना १.३१ ग्रॅम एमडी, हुक्क्याचे साहित्य व दारूच्या बाटल्या आढळल्या. पोलिसांनी एमडी, सहा मोबाइल, दोन कारसह २६ लाखांचे साहित्य जप्त केले. चौघांविरुद्ध नवीन कामठी पोलिस ठाण्यात अमली पदार्थ विरोधी कायद्यासह विविध कलमान्वये गुन्हा दाखल करून त्यांना अटक केली. सुनील अग्रवाल याला एमडीचा पुरवठा कोणी केला याचा शोध पोलिस घेत आहेत.