संबंधित तरुणांची पोलिसांकडून चौकशी सुरू आहे. पोलिसांनी या घटनेची गंभीर दखल घेतली आहे. पोस्टर्समागील हेतू आणि त्यामागे कोणाचा हात आहे, याचा तपास सुरू केला आहे. कोणत्याही प्रकारच्या सामाजिक तेढ निर्माण करणाऱ्या कृतींना मुभा दिली जाणार नाही, असं पोलिसांकडून सांगण्यात आलं आहे.

काही दिवसांपूर्वी पुण्यात शिक्षण घेणाऱ्या एका तरुणीने भारत पाकिस्तान तणावादरम्यान ‘पाकिस्तान जिंदाबाद’ अशी पोस्ट केली होती. कोंढवा पोलीस ठाण्यात या तरुणीविरोधात गुन्हा दाखल करण्यात आला होता. तसेच तिला ती शिक्षण घेत असलेल्या शिक्षणसंस्थेतून काढून टाकण्यात आलं आहे. आता हमासच्या समर्थनार्थ पोस्टर वाटण्याची घटना घडल्यामुळे पुण्यात खळबळ उडाली आहे.

महिलेचे भाजप पदाधिकाऱ्यांवर गंभीर आरोप

दरम्यान, हमासच्या समर्थनार्थ पोस्टर वाटणाऱ्यांपैकी एका महिलेने या घटनेवर प्रतिक्रिया दिली आहे. “माझं नाव स्वप्नगा आहे. आम्ही काल 10 मे ला कर्वेनगरमध्ये शांततेचं आवाहन करणारं एक प्रचार अभियान राबवलं होतं. जवळपास साडे पाच ते सहा वाजेपर्यंत हा कार्यक्रम आयोजित होता. जेव्हा हा उपक्रम सुरु केला तेव्हा तिथे 15 लोकांची झुंड तिथे येते. ते लोकं आम्हाला प्रश्च विचारतात. ते लोकं 10 मिनिटांत फोन करुन 50 ते 60 लोकांना बोलवतात. ते सर्वजण आमच्यावर हल्ला करतात. क्रिकेटच्या बॅट पासून दगड वगैरे हातात जे लागेल त्याने आम्हाला मारण्याचा पूर्ण प्रयत्न केला. आम्ही मरणावस्थेत होतो, अशी परिस्थिती निर्माण झाली होती. आम्हाला झालेल्या मारहाणीचे व्हिडीओ आपण आमच्या फेसबुक पेजवरही पाहू शकता”, असं आंदोलक महिला म्हणाली.

‘आम्हाला मारहाण करणाऱ्या जमावाचं नेतृत्व महेश पोवळे आणि सागर धामे या भाजपच्या नेत्यांनी केलं. त्यानंतर तिथे पोलीस पोलीस पोहोचले त्यानंतरही आम्हाला मारहाण करण्यात आली. आम्हाला पोलिसांसमोर मारहाण करण्यात आली. पोलिसांच्या गाडीत बसल्यानंतरही मारहाण करण्यात आली. माझी त्यावेळी साडी फाटली होती. तसेच माझ्या महिला सहकाऱ्यांना हल्लखोर बलात्कारची आणि मारण्याची धमकी देत होते”, असा आरोप महिलेने केला.

“आम्ही पोलीस ठाण्यात पोहोचलो तेव्हा आम्ही आमची तक्रार दाखल केली. त्यावेळी पोलिसांनी आम्हाला तक्रार मागे घेण्यास सांगितलं. पण आम्ही तक्रारीसाठी अडून राहिलो. हा आमच्या व्यक्ती स्वातंत्र्यावर हल्ला आहे. आम्ही आमची तक्रार मागे घेण्यास विरोध केला. त्यानंतर तिथे पोलीस ठाण्याबाहेर 50 पेक्षा जास्त जण गोळा झाले होते. त्यानंतर आम्ही पोलिसांना आमच्या सहकाऱ्यांना खूप मारहाण केली आहे. त्यांची मेडिकल चाचणी केली पाहिजे. तसेच आमच्यासोबत पोलिसांनी यावं, अशी मागणी केली. कारण एवढ्या मोठ्या जमावाच्या समोर आम्ही जाऊ शकत नाहीत. यानंतर पोलिसांची गाडी आम्हाला ससून रुग्णालयापर्यंत घेऊन गेली”, असं आंदोलक महिला म्हणाली.

“पोलिसांनी आम्हाला तिथे सोडून दिलं. तुम्ही तुमची मेडिकल चाचणी करुन घ्या, असं सांगण्यात आलं. आम्ही मेडिकल चाचणी केली. रात्री तीन वाजले होते. आम्ही परत पोलीस ठाण्यात तक्रारीसाठी गेलो. पण तिथे कुणी नव्हतो. एक जमाव होता. त्यामुळे आम्हाला वाटलं की, एवढ्या रात्री तिथे जाणं ठिक नाही. त्यामुळे आम्ही तिथून निघालो. आज आम्ही तक्रार केल्याची कॉपी घ्यायला जात आहे आणि मेडिकल चाचणीचे रिपोर्ट सबमीट करायला जात आहे”, अशी माहिती संबंधित महिलेने दिली.