एफडीएने गेल्या शंभर दिवसांमध्ये राज्यातील दुध आणि दुग्धजन्य पदार्थांची तपासणी करण्यासाठी ५ हजार १७६ नमुन्यांचे संकलन केले. तर वर्षभरात ७ हजार ४७० नमुन्यांचे संकलन करण्यात आले आहे. ७ हजार ४७० नमुन्यांपैकी ४ हजार ७२९ नमुने प्रमाणित असल्याचे निदान झाले आहे. तर ४१९ नमुने कमी दर्जाचे, १८५ असुरक्षित आणि ८ नमुन्यांमध्ये लेबलदोष असल्याचे समोर आले आहे. राज्य सरकारने प्रत्येक विभागाला शंभर दिवसांचा कार्यक्रम राबविण्याचे आदेश दिले होते. एफडीएच्या शंभर दिवसांच्या अहवालातून ही माहिती समोर आली आहे.
जगाला हेवा वाटेल असे ज्ञानपीठ आळंदीत उभारणार; मुख्यमंत्री फडणवीसांची घोषणा, ७०१ कोटींचा आराखडा तयार
राज्यात भेसळयुक्त पनीर विक्री होत असल्याचे काही महिन्यांपूर्वी उघकीस आले होते. तसेच विधिमंडळाच्या अधिवेशनातही याविषयी चर्चा करण्यात आली होती. पुण्यातील मांजरी येथे भेसळयुक्त पनीर विक्रीप्रकरणी कारवाई करण्यात आली होती. कारवाईमध्ये १४०० किलो पनीर, ४०० किलो जीएमएस पावडर, १८०० किलो एस.एम.पी. पावडर, ७१८ लिटर असा ११ लाखांचा मुद्देमाल जप्त करण्यात आला होता. पुण्यासह राज्यातील अन्य जिल्ह्यांमध्ये भेसळयुक्त पनीर आणि दुग्धजन्य पदार्थ आढळून आले होते.
रील्स पाहून ‘व्हिला’ बुक करताय? सावधान; पुण्यातील तरुणांची मोठी फसवणूक, ‘ही’ चूक तुम्ही करु नका!
दोन हजार नमुन्यांचे अहवाल प्रलंबित
एफडीएने शंभर दिवसांमध्ये ५ हजार १७६, तर वर्षभरात ७ हजार ४७० नमुने तपासणीसाठी संकलित करण्यात आले होते. या नमुन्यांपैकी २ हजार १२९ नमुन्यांचा तपासणी अहवाल अद्याप प्रलंबित आहे. त्यामुळे एफडीएची तपासणी संथगतीने सुरू असल्याचे दिसून येते. मनुष्यबळाअभावी प्रत्येक ठिकाणी जाऊन तपासणी करण्यात मर्यादा देत असल्याचे अधिकाऱ्यांचे म्हणणे आहे. अन्नपदार्थांची तपासणी करण्यासाठी मुंबई, छत्रपती संभाजीनगर, नागपूर येथे अन्न परीक्षण प्रयोगशाळा उभारण्यात आल्याचा दावा एफडीएने केला आहे.