Crime News : सदरबझार परिसरात काही महिन्यांपासून नशेसाठी वापरण्यात येणारे ड्रग्ज इंजेक्शन आढळून आले होते. त्या अनुषंगाने सातारा शहर गुन्हे प्रकटीकरण शाखेच्या पथकातील पोलिसांनी माहिती घेवून कारवाई केली. या कारवाईत सातारा शहर पोलिस नशा करणाऱ्या युवकावर गेल्या दोन महिन्यापासून लक्ष ठेवून होते. मात्र, हा युवक पोलिसांना सापडू नये म्हणून अत्यंत दक्षता बाळगत होता
संतोष शिराळे, सातारा : सातारा शहरांमध्ये ड्रग्सची नशा करणाऱ्या युवकावर गेल्या दोन महिन्यांपासून पोलीस लक्ष ठेवून होते. मात्र, हा युवक पोलिसांना सापडू नये म्हणून दक्षता बाळगत होता. पोलिसांनी सलग दोन महिने चिकाटीने ड्रग्सची इंजेक्शन पुरवणाऱ्या युवकांची माहिती घेऊन चारभिंती परिसरामध्ये ड्रग्सचे इंजेक्शन विक्री करण्यासाठी आला असता पोलिसांनी सापळा रचून बंद टपरीच्या आडोशाला संशयास्पदरित्या फिरत असताना ताब्यात घेतले. याप्रकरणी युवकासह अन्य चौघांना अटक केली आहे.
याबाबत पोलिसांनी सांगितले की, सातारा शहरातील चारभिंती, सदरबझार परिसरात काही महिन्यांपासून नशेसाठी वापरण्यात येणारे ड्रग्ज इंजेक्शन आढळून आले होते. त्या अनुषंगाने सातारा शहर गुन्हे प्रकटीकरण शाखेच्या पथकातील पोलिसांनी माहिती घेवून कारवाई केली. या कारवाईत सातारा शहर पोलिस नशा करणाऱ्या युवकावर गेल्या दोन महिन्यापासून लक्ष ठेवून होते. मात्र, हा युवक पोलिसांना सापडू नये म्हणून अत्यंत दक्षता बाळगत होता, परंतु पोलिसांनी सलग दोन महिने चिकाटीने सातारा शहरामध्ये ड्रग्सची इंजेक्शन पुरवणाऱ्या युवकांची माहिती घेऊन चारभिंती परिसरामध्ये माल विक्री करण्यासाठी येणार असल्याची माहिती मिळाल्याने पोलिसांनी चारभिंती परिसरात सापळा रचला.
Khichdi Scam : २४ रुपयांच्या पाकिटांसाठी ३३ रुपये, खिचडीत १४.५७ कोटींचा गैरव्यवहार; आठ आरोपिविरुद्ध आरोप निश्चित
त्यावेळी युवक चारभिंती परिसरात एका बंद टपरीच्या आडोशास संशयास्पदरित्या आढळून आल्याने त्याला पोलिसांनी ताब्यात घेतले. त्याची चौकशी केली असता त्याच्या गाडीमध्ये नशेसाठी वापरण्यात येणाऱ्या बेकायदेशीर इंजेक्शनच्या ३० बाटल्या मिळून आल्या. त्यांच्याकडे या बाटल्यांबाबत चौकशी केली असता त्याने उडवाउडवीची उत्तरे दिली. त्यावेळी त्याला अटक करून त्याची चौकशी केली असता त्याने ही ड्रग्सची इंजेक्शन मुंबई येथून एका युवकाकडून चोरट्या पद्धतीने खरेदी केली असल्याचे सांगितले. ही ड्रग्स इंजेक्शन तो आपल्या अन्य साथीदारांना थोड्या थोड्या प्रमाणात देवून त्याचा पुरवठा नशा करणाऱ्या युवकांकडे चोरून पोहच करीत असल्याचे सांगितले.
Pune News : पुण्यातल्या घटनेचा उलगडा, तीन अल्पवयीन मुलांनीच ३७ वर्षीय इसमाचा जीव घेतला, तपासात धक्कादायक कारण समोर
ड्रग्स इंजेक्शनचा पुरवठा करणाऱ्या अन्य चार युवकांना देखील पोलिसांनी ताब्यात घेतले असून त्यातील एक शिकाऊ डॉक्टर असल्याचे निदर्शनास आले आहे. ड्रग्स इंजेक्शन पुरवठा केल्याप्रकरणी या पाचही युवकांना अटक करण्यात आली आहे. शिवराज पंकज कणसे (वय २४, रा. हिल टॉप सोसायटी, शाहुनगर), साईकुमार महादेव बनसोडे (वय २५, रा. भोसे ता. पंढरपूर, जि. सोलापूर), सुदीप संजय मेंगळे (वय १९, रा. कोयना सोसायटी, सदरबझार, सातारा), अतुल विलास ठोंबरे (वय २०, रा. झेड. पी. कॉलनी, शाहुपूरी सातारा) व तय्यब हाफीस खान (वय २३, रा. बांगूरनगर, गोरेगाव, मुंबई) अशी संशयित आरोपींची नावे आहेत.
Satara News : मोठी बातमी! नशेसाठी वापरल्या जाणाऱ्या ड्रग्स इंजेक्शनच्या रॅकेटचा पर्दाफाश, मुंबईचा शिकाऊ डॉक्टर अडकला
मुंबई येथून ज्या ठिकाणाहून हा पुरवठा होत होता. तेथील युवकाला पोलिसांनी गोपनीय माहितीच्या आधारे कारवाई करत ताब्यात घेतले आहे. हा युवकदेखील चोरट्या पद्धतीने थोड्या थोड्या प्रमाणात ड्रग्स इंजेक्शनचा माल गोळा करीत असल्याचे निदर्शनास आले आहे. त्याच्याकडूनही पोलिसांनी ड्रग्स इंजेक्शनचा ३० बाटल्यांचा साठा ताब्यात घेऊन अटक केली आहे. या गुन्ह्यामध्ये पाच लाख 15 हजार रुपयांचा माल जप्त करण्यात आला आहे. गुन्ह्याचा अधिक तपास पोलीस करत आहेत.