काय आहे प्रकरण?

संजय नगर मुकुंदवाडी येथे राहणारे देवराज नाथाजी वीर वय 47 यांनी दिलेल्या फिर्यादीनुसार, १ सप्टेंबर 2021 रोजी देवराज वीर यांना त्यांच्या नातेवाईक महिलेने फोन केला. रामनगर मुकुंदवाडी येथे राहणारी जनाबाई जाधव, व तिची मुलगी सविता पगारे या दोघी त्यांच्या ताब्यात असलेल्या मुलांना लाकडी बेलण्याने बेदम मारहाण करत आहे अशी माहिती दिली. या घटनेची माहिती मिळतच देवराज वीर यांनी घटनास्थळी जाऊन दोन्ही मुलांना महिलांच्या ताब्यात वेगळे केलं. यावेळी घटनेची माहिती संबंधित पोलीस ठाण्याला दिली. दोन्ही माय लेकीसह मुलांना पोलीस ठाण्यात आणले. मला संरक्षण कक्षाच्या अधिकाऱ्यांनी मुलाची चौकशी केली. मुलांनी सांगितले या महिलांनी मला भीक मागण्यासाठी आणले आहे. भीक मागण्या नकार दिला तर दोन्ही महिला बेदम मारहाण करतात अशी माहिती त्याने अधिकाऱ्यांना दिली. मुकुंदवाडी पोलीस ठाण्यात गुन्हा दाखल करण्यात आला होता.
Chhatrapati Sambhaji Nagar News: विहिरीत आढळला निवृत्त लिपिकाचा भयावह अवस्थेतील मृतदेह, छत्रपती संभाजीनगरात खळबळजनक घटना

आरोपींनीच दिली मुलांना विकत घेतल्याची कबूल

अधिकाऱ्यांनी आरोपी मुलगी सविता पगारे हिची चौकशी केली. यावेळी सविता म्हणाली मुलाला त्याच्या आई-वडिलांकडून आम्ही विकत घेतले आहे. यासाठी त्याच्या आई-वडिलांना 55 हजार रुपये दिले. त्याचबरोबर दोन वर्षीय मुलालाही त्याच्या आई-वडिलांकडून एक लाख रुपयात दत्तक म्हणून विकत घेतले. या खरेदी विक्रीचा शंभर रुपयाचा बॉण्डवर लेखी करारनामाही केला असल्याचं सविताने सांगितलं.
खरीप हंगामातील पेरणीसाठी पैसे नाही, ३५ वर्षीय शेतकऱ्याने घेतला टोकाचा निर्णय, कुटुंबियांवर दु:खाचा डोंगर

दोन्ही आरोपींना सक्तमजुरीची शिक्षा

या गंभीर प्रकरणाची सुनावणी पार पडली यावेळी अतिरिक्त सरकारी वकील सूर्यवंशी यांनी प्रकरणात पाच साक्षीदारांचे जबाब नोंदवले होते. दोन्ही मायलेकींना दोषी ठरवून जनाबाई हिला एक वर्षाची तर सविताला तीन वर्षाची सक्त मजुरीची शिक्षा व पाच हजार रुपये दंड ठोठावण्यात आला.