याप्रकरणी मिळालेल्या अधिक माहितीनुसार, गडहिंग्लज तालुक्यातील लिंगनूर कानूल येथे राहणारा रमेश मोरे (वय ४२) हा गवंडीकाम करीत होता. मात्र, त्याला दारूचे प्रचंड व्यसन होते. अलीकडच्या काळात कामधंदा ही नसल्याने त्याचकडे दारू पिण्यासाठी पैसे न्हवते. यामुळे तो नेहमी पत्नीकडे सतत पैसे मागत असत. तर, घर चालवायलाही पैसे नसल्याने त्यांच्यात सतत भांडणं होत असत. गुरुवारी दुपारीही बाराच्या सुमारास रमेश दारू पिऊन घरी आला आणि जेवून झोपला.
UP News: शाळेत प्रेम फुललं, पण घरच्यांचा नकार; नववीची विद्यार्थिनी शिक्षक बॉयफ्रेण्डसोबत हॉटेलच्या खोलीत गेली अन्…
रमेशची आई आपल्या लहान मुलाकडे गेली तर, मुलगा केदार हा यात्रेनिमित्त करंबळीला गेल्याचे पाहून, रमेश उठला आणि पत्नी प्रणिता भांडी घासत असताना तिला शिवीगाळ करू लागला, भांडण करू लागला. तसेच, प्लास्टिक पाईपने तिला मारहाण ही करण्यास सुरूवात केली. त्यामुळे प्रणिताने रागाच्या भरात घरातील चाकूने त्याच्या गळ्यावर वार केला. यामुळे रमेश रक्ताच्या थारोळ्यात जमिनीवर कोसळला. ही माहिती पोलिसांना कळताच पोलीस निरीक्षक अजय सिंदकर यांनी घटनास्थळी धाव घेतली. रक्ताच्या थारोळ्यात पडलेल्या रमेशला उपचारासाठी उपजिल्हा रुग्णालयात नेण्यात आले. मात्र उशीर झाल्याने उपचारापूर्वीच त्याचा मृत्यू झाल्याचे डॉक्टरांनी सांगितले.

या घटनेनंतर पोलिसांनी पत्नी प्रणिताला ताब्यात घेतले असून तिची चौकशी सुरू केली आहे. रमेशने आपल्याला प्लास्टिक पाईपने मारहाण करत असताना झटापटीत हातातील चाकू त्याला लागला त्याला जीवे मारण्याच्या उद्देशाने आपण वार केले नाही, असं प्रणिताने पोलिसांसमोर स्पष्ट केलं आहे. मात्र, तरीही पोलीस वेगवेगळ्या बाजूने तपास करत आहेत. रमेशच्या पश्चात पत्नी, आई, मुलगा, मुलगी, भाऊ असा परिवार आहे.