अशासर्व परिस्थितीत भिवंडीतून एक धक्कादायक माहिती समोर आली आहे. येथे एका तरुणाने चक्क पाकिस्तानचे समर्थन केले आहे. याप्रकरणी पोलिसांनी त्याच्याविरोधात कारवाई करत त्याला अटक केली आहे.

इन्स्टाग्रामवर पाकिस्तानच्या समर्थनार्थ पोस्ट

भिवंडी शहरातील एका तरुणाने इन्स्टाग्राम स्टोरीवर पाकिस्तानचे समर्थन केल्याची पोस्ट केली होती. याप्रकरणी पोलिसांनी त्याच्याविरोधात देशद्रोहाचा गुन्हा दाखल करून अटक करण्यात आली आहे. भिवंडी शहर पोलिसांनी ही कारवाई केली आहे. अफसर अली अजगर अली शेख (वय वर्ष १८) असं अटक करण्यात आलेल्या आरोपीचं नाव असल्याची माहिती आहे.
Mumbai News: ऑपरेशन सिंदूरनंतर मुंबई विमानतळ परिसरात संशियत ड्रोन, सुरक्षा यंत्रणा अलर्टवर, परिसरात खळबळ
पहलगाम हल्ल्यात 26 पर्यटकांवर दहशतवाद्यांनी गोळ्या झाडत त्यांची हत्या केली होती. त्याचा बदला घेण्यासाठी भारताने ऑपरेशन सिंदूर राबवत बुधवारी (7 मे) भारतीय सैन्याने पाकिस्तानी अतिरेक्यांवर कारवाई केली. त्याचे संपूर्ण देशवासीयांकडून स्वागत करण्यात आले. बदला घेतल्याबद्दल आनंदोत्सव साजरा केला जात आहे. अशात भिवंडीमधील अफसर अली अजगर अली शेख या तरुणाने इन्स्टाग्राम स्टेटसवर ‘चाहें जो हो जाये सपोर्ट तो बस पाकिस्तान को करेंगे’, असा देशविरोधी संदेश ठेवला होता.

ही बाब राष्ट्रप्रेमी नागरिकांना समजताच त्यांनी शहर पोलीस ठाण्यात धाव घेत देशद्रोही तरुणाविरोधात कारवाई करण्याची मागणी केली. त्यानंतर पोलिसांनी तातडीने आरोपीचा शोध घेण्यास सुरुवात केली. पोलिसांना गुप्त बातमीदारामार्फत मिळालेल्या माहितीनुसार त्यांनी आरोपी युवकाला रात्री उशिरा ताब्यात घेतलं. त्याविरोधात भा.न्या.सं. कलम १५२ प्रमाणे देशद्रोहाचा गुन्हा दाखल करून अटक केली आहे.