सावदा येथून Bhusaval येथे खाजगी क्लाससाठी जाणाऱ्या प्रवाशी रिक्षातून जात असताना आमोदाजवळ मालवाहू ट्रक आणि रिक्षाची समोरासमोर धडक झाली. यात आदिती सोपान खडसे (वय १३) या विद्यार्थिनीचा जागीच मृत्यू झाला, तर प्रवासी रिक्षातील ओजल संदीप पाटील (वय १३), सार्थ शंतनु सरोदे (वय १३) , प्रवासी रिक्षा चालक प्रभाकर ओतारीसह अन्य दोन जण (सर्व रा. सावदा ता. रावेर येथील रहिवासी) जखमी झाले आहे. ही घटना रविवारी दुपारी एक वाजेच्या सुमारास घडल्याची माहिती आहे.
Maharashtra HSC 12th Result 2025 Live Updates Chhatrapati Sambhajinagar News: पत्नीने आयुष्य संपवलं, मग पती रेल्वे रुळावर गेला अन्…; 20 वर्षाच्या संसाराची माती, दोन पोरं पोरकी
याबाबत पोलिसांनी दिलेल्या माहितीनुसार, डॉ. शंतनु सरोदे यांनी फैजपूर पोलीस स्टेशनला दिलेल्या फिर्यादीनुसार सविस्तर वृत्त असे की, भुसावळ येथे समर क्लाससाठी सावदा येथून भुसावळ येथे जाण्यासाठी त्यांनी MH 19 CW 3590 ही प्रवासी रिक्षा घेतली. यावेळी आमोदा गावा नजिक समोर येणाऱ्या लाल रंगाच्या मालवाहू ट्रक क्रमांक MH 19 S 7064 ने समोरून जोरदार धडक दिली. यात सावदा येथील डॉ. सोपान खडसे यांची मुलगी आदिती सोपान खडसेचा जागीच मृत्यू झाला आहे.

या अपघातास कारणीभूत असलेले मालवाहू ट्रक चालकाविरुद्ध गुन्हा दाखल करण्यात आला असून मृत आदिती खडसेवर यावल येथील ग्रामीण रुग्णालय येथे शवविचछेदन करण्यात आले. रात्री उशिरा सावदा येथे तिच्या वर अंत्यसंस्कार करण्यात आले. याप्रकरणाचा तपास सह पोलीस नीरीक्षक रामेश्वर मोताळे यांच्या मार्गदर्शाखाली पीएसआय नीरज बोकील करत आहे. या घटनेने जळगावात एकच हळहळ व्यक्त करण्यात येत आहे.