कोळम बुद्रुक येथे बापू भालचंद्र आवारे (वय २७), त्यांची पत्नी चित्रा, मुलगी विद्या असे तिघे घराच्या छतावर झोपले होते. बापू यांची आई सुनीता व वडील भालचंद्र हे दोघे घराच्या पडवीत झोपले होते. रविवारी (दि. ४) मध्यरात्री १ वाजेच्या सुमारास अज्ञात तीन चोरट्यांनी भालचंद्र आवारे, सुनीता आवारे व चित्रा आवारे यांना मारहाण करीत चाकूचा धाक दाखवून त्यांच्या अंगावरील २१ हजार रुपयांचे सोने-चांदीचे दागिने काढून घेतले. तसेच बापू यांच्या गळ्याला चाकू लावून चाकूचा धाक दाखवून घरात ठेवलेले रोख ५० हजार रुपयेदेखील काढून घेतले.
तुळजाभवानीच्या दर्शनासाठी जाताय? मग ही बातमी तुमच्यासाठी, VIP दर्शनाबाबत ट्रस्टचा मोठा निर्णय
सदर घटनेत चोरट्यांच्या मारहाणीत भालचंद देवराम आवारे, सुनीता भालचंद आवारे, चित्रा बापू आवारे जखमी झाल्याने त्यांच्यावर येवला उपजिल्हा रुग्णालयात उपचार करण्यात येत आहेत. या प्रकरणी बापू आवारे यांच्या फिर्यादीवरून अज्ञात तीन चोरट्यांविरुद्ध घरफोडी, शस्त्राचा धाक दाखवून मारहाण करीत ७१ हजारांची लूट केल्याप्रकरणी तालुका पोलिसांत गुन्हा दाखल करण्यात आला आहे.

दरम्यान, घटनास्थळी फॉरेन्सिक टीम व श्वानपथकाला पाचारण करण्यात आले होते. मनमाड विभागाचे पोलिस उपअधीक्षक बाजीराव महाजन, तालुका पोलिस ठाण्याचे निरीक्षक संदीप मंडलिक यांनी घटनास्थळी भेटी देऊन तपासाच्या सूचना दिल्या. उपनिरीक्षक हर्षवर्धन बहीर अधिक तपास करीत आहेत.
Heatstroke Alert! राज्यात उष्माघाताने तीन संशयितांचा मृत्यू; दोन महिन्यांत आढळले तब्बल ‘इतके’ रुग्ण
चार तलवारी जप्त; संशयितास अटक येवला शहरातील पिंजारगल्लीतील एका घरातून शहर पोलिसांनी चार तलवारी जप्त केल्या असून, संशयितास अटक करण्यात आली आहे. शहर पोलिसांना मिळालेल्या गुप्त माहितीवरून शहरातील पिंजारगल्ली भागातील संशयित मुज्जमिल खलील शेख उर्फ इल्लू बटाटेवाला याच्या घरी शनिवारी (दि. ३) रात्रीच्या सुमारास छापा मारला. सदर छाप्यात शेख याच्या घरातून सुमारे बारा हजार रुपये किमतीच्या म्यानसह चार तलवारी जप्त करण्यात आल्या असून, संशयित मुज्जमिल शेख (वय ३४) यास पोलिसांनी अटक केली आहे. शेखविरुद्ध येवला शहर पोलिसांत विविध कलमान्वये गुन्हा दाखल करण्यात आला आहे. हवालदार सी. पी. मोरे या प्रकरणी अधिक तपास करीत आहेत