सतीश मेश्राम दोन दिवसांपासून बेपत्ता होता. गुरुवारी रात्री तो एका मित्रासोबत घरातून बाहेर पडला, मात्र त्यानंतर परतलाच नाही. कुटुंबीयांनी त्याचा शोध घेतला पण काहीही माहिती न मिळाल्याने त्यांनी पारडी पोलीस ठाण्यात तक्रार दाखल केली होती. शुक्रवारी सायंकाळी भांडेवाडी रेल्वे स्थानकाजवळ बांधकाम सुरू असलेल्या नव्या प्लॅटफॉर्मजवळ काही नागरिकांना एका निर्जनस्थळी संशयास्पद अवस्थेत मृतदेह दिसून आला. त्यांनी तात्काळ पोलिसांना याबाबत माहिती दिली. पारडी पोलिसांनी घटनास्थळी पोहोचून पंचनामा केला असता मृतदेह सतीश मेश्राम याचाच असल्याचे स्पष्ट झाले. त्याच्या शरीरावर धारदार शस्त्राने वार केल्याचे निदर्शनास आले.
Gurugram News: बसमध्ये फुललेल्या लव्हस्टोरीचा भीषण अंत, लिव्ह इन पार्टनरला क्रूरपणे संपवलं, पूजासोबत काय घडलं?
पोलिसांनी मृतदेह मेयो रुग्णालयात शवविच्छेदनासाठी पाठवला असून, प्राथमिक तपासात ही हत्या पूर्वनियोजित असल्याचे दिसून येते. तपासादरम्यान सतीशने एका लग्नाच्या रिसेप्शनमध्ये मोबाईल चोरी केल्याची माहिती समोर आली आहे. त्यामुळे या घटनेचा मोबाईल चोरीशी संबंध असावा, असा संशय पोलिसांनी व्यक्त केला आहे. या प्रकरणात पारडी पोलिसांनी तिघा संशयितांना ताब्यात घेतले असून, त्यांची चौकशी सुरू आहे. हत्या नेमकी कोणत्या कारणामुळे झाली याचे अद्याप नेमके कारण स्पष्ट झाले नसले तरी वैयक्तिक वाद, आर्थिक व्यवहार किंवा भांडण या शक्यतेवर पोलिसांचा तपास सुरू आहे. या घटनेमुळे भांडेवाडी परिसरात भीतीचे वातावरण पसरले आहे.

Pune Crime News : पुण्यात पुन्हा भररस्त्यात कोयता हल्ल्याचा थरार, CCTV फुटेजमध्ये हाणामारीची भीषणता कैद
दुसरीकडे, नाशिकरोड परिसरात एकमेकांचे मित्र असूनही एका तडीपार गुंडासह त्याच्या साथीदाराने धारदार शस्त्राने वार करून दुसऱ्या तडीपार गुंडाला यमसदनी धाडल्याची घटना गुरुवारी (दि. १) रात्री सव्वादहा वाजता जेलरोडच्या जुना सायखेडारोड भागातील बालाजीनगरात घडली. हितेश सुभाष डोईफोडे (रा. संजय गांधीनगर, महाजन हॉस्पिटलमागे, जेलरोड) असे मृताचे नाव आहे. हितेशचा मित्र रोहित नंदकिशोर बंग (वय २८) हा जखमी झाला असून, लपून बसल्याने तो बचावला. जखमी रोहितने दिलेल्या जबाबावरून नाशिकरोड पोलिसांनी संशयित नीलेश पेखळे (रा. बालाजीनगर) आणि त्याच्या दोन साथीदारांविरोधात खुनाचा गुन्हा दाखल करीत काही तासांत त्याला अटक केली.