कल्याण स्टेशनजवळील बाजारपेठेतील ज्वेलर्समध्ये बुरखाधारी महिलेची दहशत pic.twitter.com/VtI0rmP0n0

— Maharashtra Times (@mataonline) May 3, 2025

कल्याण रेल्वे स्थानक परिसरातील एसीपी कार्यालयाच्या बाजूला लागून असलेल्या संघवी ज्वेलर्समध्ये एका बुरखाधारी महिलेने चोरट्या पद्धतीने 60 हजारांची सोन्याची अंगठी लंपास केली आहे. या महिलेने खरेदीच्या बहाण्याने दुकानात प्रवेश केला आणि कर्मचाऱ्यांना बोलण्यात गुंतवले. दागिने पाहताना तिने हातचलाखी करत खोटी अंगठी ठेवली आणि खरी सोन्याची अंगठी घेऊन पसार झाली.या घटनेचा संपूर्ण प्रकार दुकानातील सीसीटीव्हीत कैद झाला असून, महात्मा फुले पोलीस ठाण्यात याप्रकरणी गुन्हा दाखल करण्यात आला आहे.
Pune News : मोकाट कुत्र्याचा हल्ला, सात वर्षांच्या चिमुकल्याचा जबडा फाडला; डोक्यावरुन मायेने हात फिरवण पडलं महागात
या महिलेबरोबर एक लहान मुलगीही असल्याचे सीसीटीव्हीत स्पष्ट दिसत आहे. गंभीर बाब म्हणजे या ज्वेलर्स दुकानापासून अगदी काही पावलांवर एसीपी कार्यालय आहे. तरीही पोलिसांना अद्याप आरोपी महिला सापडलेली नाही. दरम्यान, ही महिला इतर दुकानांमध्येही गेल्याचे फुटेज समोर आले असून, अन्य दुकानदार सतर्क झाले आहेत.सध्या या घटनेमुळे कल्याण बाजारपेठेतील ज्वेलर्समध्ये भीतीचं वातावरण आहे. व्यापाऱ्यांनी पोलिसांनी तातडीने कारवाई करून या महिलेला अटक करावी, अशी मागणी केली आहे.
Sangli News : हॅलो! तू चौकात जाऊन थांब ; दागिने बघून चालकाची नियत फिरली, साथीदाराला दिली टीप, पण पोलिसांच्या खबऱ्याने वाट लावली
दुसरीकडे, सांगलीच्या कर्मवीर चौकातील कर्मवीर पतसंस्थेतील लॉकरमध्ये 40 तोळे दागिने जमा करण्यासाठी गेल्यानंतर संस्थेच्या दारातूनच दागिन्यांची बॅग लंपास करणाऱ्या एकासह कार चालकाला बारा तासात अटक करण्यात आली आहे. चालकाने टीप दिल्यानंतरच ही चोरी झाल्याचे स्पष्ट झाले आहे.