Chhatrapati Shivaji Maharaj Tour: ‘इंडियन रेल्वे केटरिंग टुरिझम कॉर्पोरेशन ने (आयआरसीटीसी) भारत गौरव पर्यटन उपक्रमांतर्गत मुंबईतून ‘छत्रपती शिवाजी महाराज सहल सुरू करण्याचा निर्णय घेतला आहे.
पावसाळ्यात भटकंतीचा नवा पर्याय
- ऐतिहासिक वारसा सहल जुलैमध्ये होणार सुरू.
- छत्रपती शिवाजी महाराज टर्मिनससह दादर, ठाणे आणि कल्याण येथून पर्यटकांना प्रवास सुरू करण्याची मुभा.
- यामुळे पावसाळ्यात भटकंती करण्याचे नियोजन करणाऱ्यांना आयआरसीटीच्या माध्यमातून नवा पर्याय
अमली पदार्थप्रकरणी मोठी कारवाई; नवी मुंबईत दोन पोलिस अटकेत, व्हॉट्सअॅप चॅटमधून धक्कादायक पुरावे समोर
असे आहे नियोजन
- सहल प्रारंभ : सोमवार, ९ जून २०२५
- कालावधी : पाच दिवस
- मार्ग : छत्रपती शिवाजी महाराज टर्मिनस (मुंबई)-रायगड-पुणे-शिवनेरी किल्ला-भीमाशंकर ज्योतिर्लिंग-प्रतापगड-कोल्हापूर-पन्हाळा-मुंबई प्रवास सुरू करण्याचे रेल्वे स्थानक : सीएसएमटी, दादर, ठाणे, कल्याण
पर्यटकांच्या सुरक्षेसाठी राज्यात आता ‘महाराष्ट्र पर्यटन सुरक्षा दल’; पर्यटनमंत्री शंभूराज देसाई यांची माहिती
सहलीत काय पाहाल?
- लाल महाल : शिवरायांचे बालपण याच वास्तूमध्ये गेले आहे. ही वास्तू स्वराज्यावर चालून आलेल्या शाहिस्तेखानाची बोटे छाटून त्याला पळायला लावण्याच्या पराक्रमाची साक्षीदार आहे.
- कसबा गणपती: राजमाता जिजाऊ यांनी प्राणप्रतिष्ठा केलेली गणेशमूर्ती. मानाचा पहिला गणपती अशी कसबा गणपतीची ओळख आहे.
- शिवसृष्टी: छत्रपती शिवाजी महाराजांच्या चरित्रावर आधारित थीमपार्क.
- रायगड : छत्रपती शिवाजी महाराजांचे जन्मस्थळ. याच किल्ल्यावर महाराजांचा राज्याभिषेक झाला होता.
- प्रतापगड : १० नोव्हेंबर १६५९ रोजी याच किल्ल्यावर महाराजांनी अफजल खानाचा कोथळा बाहेर काढला होता. प्रसिद्ध तुळजा भवानीचे मंदिर याच किल्ल्यावर आहे.
- पन्हाळा किल्ला : हा छत्रपती शिवाजी महाराज आणि छत्रपती संभाजी महाराज यांच्या पराक्रमाची साक्ष देणारा किल्ला आहे. शिवाजी महाराजांना विशालगडावर पोहोचवण्यासाठी बाजीप्रभू देशपांडे यांनी सिद्धी जोहारला पावनखिंडीत लढवत ठेवले. महाराज गडावर पोहोचल्यावर बाजीप्रभू धारातीर्थी पडले.
- भीमाशंकर : १२ ज्योतिर्लिंगामध्ये भीमाशंकर ज्योतिर्लिंगाचा समावेश होतो.
- महालक्ष्मी मंदिर: देशातील प्रमुख मंदिरात कोल्हापूरच्या महालक्ष्मी मंदिराचा मान आहे. याला अंबाबाई मंदिर म्हणूनही ओळखले जाते. राज्यातील साडेतीन शक्तीपीठांमधील हे पूर्ण शक्तीपीठ आहे.
पहलगाम हल्ल्यावर विजय वडेट्टीवारांचं वादग्रस्त वक्तव्य; मुख्यमंत्री फडणवीस संतापले, म्हणाले, मूर्खपणा…
सहलीचा प्रवास तपशील श्रेणी
- राहण्याची व्यवस्था व्यवस्था
- इकॉनॉमी (शयनयान) -विनावातानुकूलित हटिल -विनावातानुकूलित प्रवास
- कम्फर्ट (एसी तृतीय) वातानुकूलित हटिल -वातानुकूलित प्रवास
- सुपीरीयर (एसी द्वितीय) – वातानुकूलित श्री स्टार हॉटेल – वातानुकूलित प्रवास
सहल शुल्कात समावेश
- रोप वे
- शिवसृष्टीतील प्रवेश
- परिसरातील प्रेक्षणीय स्थळ
- सर्व कर
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा