भाजपचे मंत्री नितेश राणे यांच्या टीकेचा बाण हा दापोली पोलिसांच्या दिशेनेच होता. हे त्यांच्या प्रतिक्रियावरून स्पष्ट झालं आहे. तुम्ही आम्ही तुमचा मतदारसंघ, माझा मतदारसंघ या सगळ्या गोष्टी गौण आहेत. योगेशजी आपण हिंदू म्हणून एकत्र राहू, असाही सल्ला मंत्री नितेश राणे यांनी योगेश कदम यांना दिला आहे.

काश्मीर पहलगाम येथील आल्यानंतर नितेश राणे यांची कोकणात पहिलीच दापोली येथे हिंदू सभा झाली होती. त्यामध्ये दापोली तालुक्यात स्थानिक पातळीवर अडखळ येथे झालेल्या दोन गटातील वादावरून नितेश राणे यांनी मोठं भाष्य केलं आहे. हा सगळा विषय आता मुख्यमंत्री देवेंद्र फडणवीस यांच्याकडे जाईल व त्यानंतर यांच्या खुर्च्या जागेवर राहतील का? यांचे फोन बंद होतील अशी टीका कोणाचेही नाव न घेता केली होती. ही टीका आपल्यावरच केली आहे असं समजून यावर योगेश कदम यांनीही प्रतिक्रिया दिली होती पण या सगळ्या विषयानंतर आता मंत्री नितेश राणे यांनी पहिलीच प्रतिक्रिया दिली आहे.

मंत्री नितेश राणे यांनी हसतसत सांगितलं आहे की, योगेश कदम हे माझे मित्र आहेत. दुसरीकडे जाणारा बाण त्यांनी अंगावर का घेतला हा सर्वात मोठा प्रश्न आहे. मुळामध्ये माझं त्यांनी भाषण व्यवस्थित बघितलं असतं ऐकलं असतं तर ते असं बोलले नसते म्हणून मी योगेशजीना सांगेन की आपण हिंदू म्हणून एकत्र राहू या दहशतवाद्यांच्या विरोधात आपण कसं भांडू शकतो. शिवसेना बीजेपी राजकारण माझा तुझा मतदारसंघ हा फार गौण आणि छोटी गोष्ट आहे. एक हिंदू म्हणून आपण ज्या दिवशी एकत्र राहू त्याच दिवशी जिहद्यां च्या विरोधात आपण एकत्र लढू शकतो आणि माझ्या भाषणाची तीच त्या दिवशी भूमिका होती असेही नितेश राणे यांनी म्हटले आहे. त्यामुळे आता नितेश राणे यांच्या प्रतिक्रिया नंतर गृहराज्यमंत्री योगेश कदम व मंत्री नितेश राणे यांच्यामधील कथित वादावर आता तूर्तास पडला पडदा पडल्याचं मानलं जात आहे.