कोल्हापुरात सध्या फुटबॉलचा हंगाम सुरू असून शाहू स्टेडियम इथ अटल चषक फुटबॉल सामने सुरु आहेत. तटाकडील तालीम मंडळान या सामन्याचं आयोजन केल असून काल पार पडलेल्या शिवाजी तरूण मंडळ आणि वेताळमाळ तालीम मंडळ यांच्यात पार पडलेल्या चुरशीच्या सामन्यात प्रेक्षक गॅलरीमध्ये समर्थकांमध्ये तुंबळ हाणामारी झाली. शिवाजी तरुण मंडळाच्या करण चव्हाण- बंदरे, सिद्धेश साळोखे, दर्शन पाटील यांनी पूर्वाधात 3 -0 गोलनी वेताळमाळवर आघाडी मिळवली. उत्तरार्धात मात्र वेताळमाळ ची चांगलीच दमछाक झाली . यातूनच वेताळमाळ आणि शिवाजी तरुण मंडळाच्या समर्थकांमध्ये शिवीगाळ आणि वादावादी सुरू झाली. अक्षरश प्रेक्षक गॅलरीत दोन्ही गटाचे समर्थक ऐकमेकांच्या अंगावर धावून जात बॉटल फेकत फ्री स्टाईल हाणामारी केली. Dsrmyan स्पर्धा संयोजकांनी हस्तक्षेप करून हा वाद मिटवला. मात्र संपूर्ण वेळेत शिवाजी संघानं 3 -0 गोलनी एकतर्फी विजय मिळवल्यानंतर गॅलरीतील वाद स्टेडियमच्या बाहेर पुन्हा उफाळला. सामना समता स्टेडियमच्या बाहेर दोन्ही संघाच्या 40 ते 50 जणांच्या समर्थकांनी एकमेकांचा अंगावर धावून जात पुन्हा. गोंधळ सुरू केला. यावेळी दंगल नियंत्रण पथक आणि जुना राजवाडा पोलिसांनी सौम्य लाठीमार करण्यास सुरुवात करत गर्दीला पांगवले मात्र या राड्यामुळे परिसरात मोठा गोंधळ उडाला.

फुटबॉलवेड्या कोल्हापुरात गेल्या काही वर्षात मोठ्या प्रमाणात फुटबॉल वरून समर्थकांमध्ये आणि खेळाडूंमध्ये जोरदार राडा पाहायला मिळत आहे. गेल्या महिन्यात देखील पार पडलेल्या सामन्यात खेळाडूंमध्ये झालेल्या गोंधळानंतर काही खेळाडूंना फुटबॉल खेळण्यावर बंदी घालण्यात आली.मात्र तरीदेखील ठराविक काही खेळाडू आणि प्रेक्षकांमुळे फुटबॉल आणि कोल्हापूरचं नाव मलिन होत आहे. यामुळे केएसएने आता कडक कारवाई करावी अशी मागणी कोल्हापूरकरांकडून होत आहे.