करूणा शर्मा तुरुंगात जाऊन घेणार भेट

करूणा शर्मा यांनी म्हटले की, वाल्मिक कराडला मारहाण करण्यात आली त्याची दहशत संपली आहे. जसे मला मारले तसे वाल्मिक कराडला तुरुंगामध्ये मारहाण करण्यात आली, माझ्या सूत्रांनी सांगितले आहे. मी बीडमध्ये आल्यानंतर शप्पथ घेतली होती की, वाल्मिक कराड आणि धनंजय मुंडे यांची दहशत संपवून टाकणार आहे. तुरुंगामध्ये आठवले याने वाल्मिक कराडला जबर मारहाण केली.
धारूर शहरातील खळबळजनक व्हिडीओ व्हायरल, तोंडाला रूमाल, हातात…, मुख्याध्यापकाच्या घरात चोरी३२०० लोकांना त्याने खोट्या केसमध्ये अडकवले

मी वाल्मिक कराडला तुरुंगामध्ये भेटायला जाणार आहे. ३२०० लोकांना त्याने खोट्या केसमध्ये अडकवले आणि तुरुंगामध्ये पाठवले आता त्याच तुरुंगामध्ये त्याला ठेवले आहे. मी आता परवानगी मागणार आहे आणि वाल्मिक कराडला भेटणार आहे. अजित पवारांनी अजून मंत्रीपद कोणाकडे दिले नाही. आज धनंजय मुंडे मंत्री नसेल तरी प्रशासन काही करत नाही. जेवण बाहेरून येते वाल्मिक कराडला. कॉट सुधा आहे. साठ वर्षाचा म्हातारा तुरुंगामध्ये बसून दहशत पसरवत आहे.

जेलमध्ये व्हीआयपी ट्रीटमेंट मिळत असल्याचा दावा

पुढे करूणा शर्मा म्हणाल्या की, प्रशासन नेमके काय करत आहे? तुरुंगामध्ये व्हीआयपी ट्रीटमेंट मिळत आहे. वाल्मिक कराड याला तुरुंगामध्ये जबर मारहाण झाल्याचे मला तुरुंगामधील माझ्या सूत्राने सांगितले. माझी मुख्यमंत्री यांना विनंती आहे की, सीसीटीव्ही फुटेज काढा येथील. त्यामध्ये सर्व काही दिसेल. आता वाल्मिक कराडची दहशत संपली आहे, असेही यावेळी बोलताना करूणा शर्मा यांनी म्हटले आहे.