Solapur Pregnant Woman Ends Life: सोलापुरात एका नऊ महिन्यांच्या गर्भवतीने आपल्या आयुष्याची अखेर केली आहे. प्रसुती अवघ्या ८ दिवसांवर आली असताना या महिलेने आपलं आयुष्य संपवलं आहे, या घटनेने सोलापुरात एकच हळहळ व्यक्त केली जात आहे.
रुक्मिणी टकलेची 29 एप्रिल रोजी प्रसूती होणार होती
रुक्मिणी व सुरजचा विवाह गेल्या वर्षी झाला होता. १७ मार्च २०२४ रोजी सांगोला तालुक्यातील गायगव्हाण येथील सुरज टकले याच्याशी तिचा विवाह झाला होता. विवाहानंतर रुक्मिणी गर्भवती राहिली आणि या महिन्यात तिची प्रसुती होणार होती. डॉक्टरांनी येत्या २९ एप्रिल रोजी प्रसुतीची तारीख दिली होती. 
Retired DGP Om Prakash Murder: आय किल्ड द मॉन्स्टर! माजी DGPच्या हत्येनंतर पत्नी पल्लवीचा कोणाला VIDEO CALL?
रुक्मिणीच्या चिट्ठीने हळहळ
गळफास घेण्यापूर्वी रुक्मिणी टकलेने ‘मला माफ करा, माझ्यात कोणताच चांगला गुण नाही’, अशी चिठ्ठी लिहून ठेवली होती. सोमवारी 21 एप्रिल रोजी दुपारी 3 च्या सुमारास राहत्या घरातील पत्र्याच्या लोखंडी अँगलला लाल रंगाच्या फेट्याने तिने गळफास घेतला.
जेवणासाठी बोलावले; रुक्मिणीने प्रतिसाद दिला नाही
सोमवारी दुपारी कुटुंबीय रुक्मिणीला जेवणासाठी बोलवत होते. कुटुंबीयांनी बेडरुमचा दरवाजा ठोठावला, पण आतून काहीच प्रतिसाद मिळाला नाही. त्यामुळे दीर स्वप्नील टकले यांनी खिडकीची काच फोडून आत पाहिले असता वहिनी रुक्मिणीने गळफास घेतल्याचे दिसले. ९ महिन्यांच्या गर्भवती महिलेनं अशाप्रकारे आयुष्याचा शेवट केल्याने परिसरात हळहळ व्यक्त केली जात आहे. सांगोला ग्रामीण रुग्णालयात रात्री उशिरा मृत रुक्मिणीचे शवविच्छेदन केल्यानंतर मृतदेह नातेवाईकांना देण्यात आला.
लेखकाबद्दलनुपूर उप्पलनुपूर उप्पल, महाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत आहेत, याआधी टीव्ही ९ मराठी, साम टीव्ही, इन मराठी वेबसाईटसाठी काम केलंय. डिजिटल पत्रकारिता क्षेत्रात ७ वर्षांचा अनुभव. राजकीय, सामाजिक लिखाणाची आवड. गुन्हेगारीसंबंधित, विज्ञानविषयक बातम्यांमध्ये हातखंडा… आणखी वाचा