युगेंद्र पवार यांचा आज वाढदिवस आहे. युगेंद्र पवारांचा वाढदिवस साजरा करण्यासाठी सगळे कार्यकर्ते… शरद पवार यांचे निवासस्थान असलेल्या गोविंद बाग येथे जमले होते. शरद पवारांच्या उपस्थितीमध्ये युगेंद्र पवारांचा वाढदिवस व्हावा अशी कार्यकर्त्यांची इच्छा होती. यावेळी शरद पवारांच्या उपस्थितीमध्ये केक कापला यावेळी शरद पवारांनी मार्गदर्शन केले.ते म्हणाले, माझ्या लहानपणी वाढदिवस असला की गुळ शेंगदाणे किंवा गुळ खोबरे दिलं जायचं. एकट्याचे अभिनंदन किती दिवस करायचे, आम्हाला अक्षदा टाकायच्या आहेत, आता लांबवू नका. शेवटी आधार महत्त्वाचा असतो तो घरातल्या पेक्षा कुठं मिळत नसतो, असंही पवार म्हणाले.
