Thane Beheaded Body Found Bhiwandi Case Solve: भिवंडीत एका व्यक्तीची शिरच्छेद केलेली बॉडी सापडली होती. हत्येच्या सहा दिवसांत पोलिसांनी या प्रकरणाचा छडा लावला असून आरोपीला अटक केली आहे.
ठाणे पोलिसांनी सोमवारी उत्तर प्रदेशातील जौनपूर येथून रामला त्याच्या मालकाची हत्या केल्याच्या आरोपाखाली अटक केली होती. शेखचा मृतदेह 16 एप्रिल रोजी भिवंडी येथील जंगलात सापडला होता. याप्रकरणी पोलिसांनी दिलेल्या माहितीनुसार, काजूकुमार राजेंद्र राम यांनी आरोप केला आहे की, मृत फरहत शेख (52) हा लैंगिक सुखाची मागणी करत होता, त्यामुळे त्याने त्याची हत्या करण्याचा निर्णय घेतला.
शेख हा घरी न आल्याच्या त्याच्या कुटुंबीयांनी 12 एप्रिल रोजी स्थानिक पोलिस ठाण्यात बेपत्ता असल्याची तक्रार दाखल केली होती. भिवंडी येथील कारीवली गावातील स्मशानभूमीजवळ कुटुंबाला त्यांची स्कूटर टाकलेली आढळून आली होती. त्यानंतर कुटुंबाकडे एक अज्ञात मेसेजही आला होता, ज्यामध्ये ३ लाखांची खंडणी मागण्यात आली होती. मात्र, चार दिवसांनंतर, 16 एप्रिलला शेखचा मृतदेह भिवंडीजवळील जंगलात सापडला, त्यानंतर ठाणे पोलिसांनी खुनाचा गुन्हा दाखल केला.
Solapur News: मला माफ करा; माझ्यात काहीच..; प्रसुती ८ दिवसांवर असताना गर्भवतीनं जीवन संपवलं, सोलापुरात हळहळ
ठाणे गुन्हे शाखेने तपास सुरु करताच परिसरातील सीसीटीव्ही कॅमेऱ्यांचे फुटेज तपासले. शेख बेपत्ता झाला त्यादिवशी तो दुचाकीवरून जाताना दिसला. तसेच, पिवळा शर्ट घातलेला एक व्यक्ती त्याच्या मागे जाताना दिसला. शेख कुटुंबीयांच्या मदतीने पोलिसांनी त्या व्यक्तीची ओखळ पटवली. ही व्यक्ती राम असल्याचं समोर आलं. शेखच्या कुटुंबीयांनी पोलिसांना सांगितले की, राम गेल्या काही वर्षांपासून शेखच्या मालकीच्या पॉवरलूममध्ये काम करत होता.
त्यानंतर जेव्हा पोलिसांनी रामचं लोकेशन ट्रॅक केलं तेव्हा तो त्याच्या मूळ गावी जौनपूरला गेल्याचे आढळले. गुन्हे शाखेचे एक पथक जौनपूरला पोहोचले आणि त्याला अटक करण्यात आली.
Thane News: अनैतिक संबंधासाठी मालकाचा दबाव; त्यानं रानात नेऊन विषय कायमचा संपवला, बॉडी पाहून सारे हादरले
रामने शेखला जंगलात संपवलं, त्यानंतर त्याचं शिर कापलं. यानंतर त्याने शेखच्या फोनवरुन खंडणीचा मेसेज कुटुंबाला पाठवला. याप्रकरणी रामने पोलिसांना सांगितले की शेख गेल्या अनेक महिन्यांपासून त्याचा छळ करत होता, लैंगिक सुखाची मागणी करत होता. यातून सुटका मिळवण्यासाठी त्याने शेखच्या हत्येचा कट रचला. सध्या रामला स्थानिक न्यायालयात हजर केले असून त्याला पोलीस कोठडी सुनावण्यात आली आहे.

