हा अपघात रविवारी सायंकाळी साडेचार वाजताच्या सुमारास कोळे-पाचेगाव बु. रोडवर घडला. महादेव अश्रुबा सोनावणे (वय 53, सध्या रा. नागपाडा- मुंबई, मूळ रा. चिंचपू, ई ता. पाथर्डी, जि. अहिल्यानगर) असे मुंबई पोलीस दलातील हवालदाराचे नाव आहे. पत्नी जनाबाई महादेव सोनावणे (वय 45, रा. चिंचपूर -ई, ता. पाथर्डी, जि. अहिल्यानगर), वर्षा अरविंद दराडे (वय 26) व दक्ष अरविंद दराडे (वय 7 महिने, दोघेही रा. राशी, जि. अहिल्यानगर) अशी जखमींची नावे आहेत.

सोनवणे मुंबई पोलीस दलात कार्यरत होते

मृत महादेव सोनावणे हे मुंबई येथील नागपाडा पोलिस स्टेशनला एसीबी इन्चार्ज म्हणून कर्तव्यास होते. महादेव सोनवणे हे पत्नी जनाबाई, मुलगी वर्षा दराडे, नातू दक्ष दराडे, तसेच अंकुश महाजन असे सर्व जण नातेवाईक मिळून एमएच 03 ईएफ 2401 इको कारमधून गाणगापूर, अक्कलकोट, पंढरपूर देवदर्शन करून रविवारी आटपाडी (जि. सांगली) मार्गे मुंबईला जाणार होते.
Solapur Crime : 25 वर्ष एकत्र काम, ईमेलवरुन धमकी अन्… डॉ. वळसंगकरांनी आयुष्य संपवलं, अटकेतील महिला मनिषा मुसळे-माने कोण?

मित्राकडे पाहुणचाराला गेले अन्…

महादेव सोनवणे हे सांगोला तालुक्यातील जुनोनीतील पोलिस मित्राला फोन करून परत नाझरे मठमार्गे जुनोनीला गेले. मित्राचा पाहुणचार घेऊन जुनोनी, कोळे भिवघाटमार्गे विट्याकडे निघाले होते. वाटेत पाचेगाव बु. जवळ कार खड्ड्यात आदळून टायर फुटल्याने मोठा अपघात घडला.

Pune News : तीन वर्षापूर्वी बाबा गेले, पुण्यात झिपलाईन करताना पडून 28 वर्षीय तरुणीचा मृत्यू, आई-आजी जबर धक्क्यात

अपघातात दोन वेळा कार पलटी झाली

महादेव सोनवणे यांच्या कारचा अपघात इतका भीषण होता की, अपघातात कारने दोन वेळा पलटी मारली. कारच्या खाली सापडून महादेव सोनावणे यांचा जागीच मृत्यू झाला. रात्री उशिरा सांगोला ग्रामीण रुग्णालयात शवविच्छेदन केल्यानंतर सोनावणे यांचा मृतदेह रुग्णवाहिकेतून त्यांच्या गावी पाठवण्यात आला.