Amol Mitkari on Sharad Pawar-Ajit Pawar Ally : राज्याच्या राजकारणात मोठा ट्विस्ट आला आहे. उद्धव ठाकरे आणि राज ठाकरे एकत्र येणार असल्याच्या चर्चा रंगल्या आहे आता अजित पवार गटातील अमोल मिटकरींकडूनही या संभाव्य युतीचे स्वागत करण्यात आले आहे. यासोबतच मिटकरींनी राष्ट्रवादी काँग्रेस शरद पवार गटाने देखील अजित पवार यांच्या नेतृत्वाखाली एकत्र येण्याचे त्यांनी आवाहन केले आहे.
अमोल मिटकरी म्हणाले, ‘महाराष्ट्राच्या भल्यासाठी दोन भाऊ एकत्र येत असतील तर त्याचा स्वागतच. राज ठाकरे आणि उद्धव ठाकरे यांचा आदर्श घेऊन तुतारी गटानेही अजित दादांच्या नेतृत्वात एकत्र यावं.’ तसेच आमदार रोहित पवारांनी केलेल्या ट्विटवर देखील मिटकरींनी प्रतिक्रिया दिली आहे. ‘केवळ ठाकरे कुटुंबानेच नाही तर सर्वच कुटुंबांनी महाराष्ट्रधर्म जपण्यासाठी एकत्र यायला हवं आणि यातच महाराष्ट्राचं हीत आहे,’ असे रोहित पवारांनी म्हटले होते. यावर मिटकरी म्हणाले, ‘तुतारी गटानेही अजित दादांच्या नेतृत्वात एकत्र यावं.’
अमोल मिटकरींनी थोरल्या पवारांच्या राष्ट्रवादीला सोबत येण्याचे आवाहन केले आहे. ‘राष्ट्रवादी काँग्रेस पक्ष महाराष्ट्रात भक्कम होण्यासाठी जर तुतारी गटाला वाटत असेल तर त्यांनी अजितदादांच्या नेतृत्वात एकत्र यावं’ असे आवाहन त्यांनी केले. तर पक्षाचा कार्यकर्ता म्हणून बेरजेचं राजकराण करणं माझं कर्तव्य असल्याचेही मिटकरींनी नमूद केले. यावर शरद पवारांसोबतच अजित पवारांचीही नेमकी काय प्रतिक्रिया समोर येते हे पाहणे महत्वाचे ठरणार आहे.
लेखकाबद्दलविमल पाटीलविमल पाटील, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. याआधी सामना, आरएनओ वृत्तसंस्थेमध्ये रिपोर्टर म्हणून काम केलं आहे. पत्रकारिता क्षेत्रात तीन वर्षांचा अनुभव आहे. राजकीय आणि विश्लेषणात्मक बातम्या लिहण्याची आवड.… आणखी वाचा