Dr. Shirish Valsangkar Death Case Update : प्रख्यात न्यूरोफिजिशियन डॉ. शिरीष वळसंगकर यांच्या आत्महत्या प्रकरणात हॉस्पिटलमधील एका महिला कर्मचाऱ्यास ताब्यात घेण्यात आले. त्यांना कोर्टाने तीन दिवसांची पोलीस कोठडी सुनावली आहे.
मनीषा मुसळे मानें ही महिला कर्मचारी २००८ पासून डॉ. शिरीष वळसंगकर यांच्या एस पी न्यूरॉसायन्स या हॉस्पिटलमध्ये नोकरीस होत्या. त्यांच्या त्रासाला कंटाळून डॉ. शिरीष वळसंगकर यांनी आत्महत्या केली अशी फिर्याद डॉ. अश्विन वळसंगकर यांनी सदर बाजार पोलीस ठाण्यात दाखल केली होती. त्या अनुषंगाने सदर बाजार पोलीस ठाण्याचे पोलीस अधिकारी संबंधित महिलेस ताब्यात घेऊन तपास सुरू केला आहे.
एका मेल वरून महिलेला अटक केले-
महिला आरोपीच्या ऍड प्रशांत नवगीरे यांनी महत्वाची माहिती दिली. मनीषा मुसळे मानें ही महिला डॉ. शिरीष वळसंगकर यांच्या हॉस्पिटलमध्ये प्रशासकीय अधिकारी पदावर नोकरीस होत्या. अनेक वर्षांपासून मनीषा डॉ. शिरीष वळसंग यांच्या हॉस्पिटलमध्ये कामास होत्या. त्यांचा एक दिवसांचा पगार कपात करण्यात आला होता. त्याबाबत मनीषा मुसळे माने यांनी डॉ. शिरीष वळसंगकर यांना मेल केला होता. त्या एका मेलवरून युक्तिवाद झाला.
तीन दिवसांची पोलीस कोठडी
रविवारी दुपारी मनीषा मुसळे मानें यांना पोलिसांनी कोर्टात हजर केले. दोन्ही बाजूंचा युक्तिवाद ऐकून कोर्टाने मनीषा मुसळे माने यांस तीन दिवसांची पोलीस कोठडी सुनावली आहे.
लेखकाबद्दलविमल पाटीलविमल पाटील, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. याआधी सामना, आरएनओ वृत्तसंस्थेमध्ये रिपोर्टर म्हणून काम केलं आहे. पत्रकारिता क्षेत्रात तीन वर्षांचा अनुभव आहे. राजकीय आणि विश्लेषणात्मक बातम्या लिहण्याची आवड.… आणखी वाचा