हदगावचे आमदार बाबुराव कोहळीकर यांनी सावेंच्या दौऱ्याला विरोध दर्शवला आहे. शिवसैनिकांना घेऊन सावेंविरोधात आंदोलन करण्याचा इशारा त्यांनी दिला आहे. मतदारसंघातील कामांना शिफारशीशिवाय मंजुरी देत असल्याची आमदार आणि राज्यमंत्र्यांची तक्रार आहे. राज्यमंत्री बोर्डिकर यांनी मंजूर कामांचा निधी रद्द करण्याची मागणी पत्राद्वारे केली आहे. त्यामुळे निधी वाटपावरुन महायुतीत जोरदार जुंपली आहे.
Uddhav Thackeray: ठाकरेंकडे 55 हजारांची फौज तयार, आता मुंबईत लढाई आरपार; फिल्डींग लागली, तरीही अडचण का वाढली?
कॅबिनेट मंत्री असलेल्या अतुल सावेंनी केलेल्या निधी वाटपाला राज्यमंत्री मेघना बोर्डिकर यांनी स्पष्ट शब्दांत विरोध केला आहे. ‘माझ्या मतदारसंघात विकासकामं व्हावीत, तांडा वस्तीचा निधी मिळावा, यासाठी शिफारस केली होती. तशी मागणी केली होती. पण त्यातील एकही काम झालं नाही. पण दुसऱ्यांना ही कामं दिली गेलेली आहेत. माझ्या मतदारसंघात कामं होत असताना माझी कोणत्याही प्रकारची शिफारस घेतली गेलेली नाही,’ अशी नाराजी बोर्डिकरांनी व्यक्त केली आहे.

शिवसेनेचे आमदार बाबुराव कदम कोहळीकर यांनीदेखील पत्र लिहून त्यांच्या नाराजीला वाट मोकळी करुन दिली आहे. ‘मी महायुतीचा आमदार आहे. पण मी सुचवलेल्या कामांची यादी मान्य न करता विरोधी पक्षाच्या नेत्यांनी मंजूर केलेली आहेत. हा नेमका काय प्रकार आहे तो कळण्यास मार्ग नाही. अतुल सावे ज्यावेळी मतदारसंघात येतील, तेव्हा मोठ्या संख्येनं कार्यकर्त्यांना घेऊन आंदोलन करणार आहे,’ असा इशारा कदम यांनी दिला आहे.
ठाकरेंनी कौतुक केलेली यंत्रणा मिशन मोडवर; उद्धवसेनेच्या पराभवासाठी भाजपचे ‘ते’ १०८ जण राबणार
राज्यात महाविकास आघाडीचं सरकार असताना शिवसेनेचे आमदार, मंत्री अर्थमंत्री असलेल्या अजित पवारांवर नाराज होते. शिवसेना आमदारांना अजित पवार निधी देत नसल्याची तक्रार होती. सेना आमदार, मंत्र्‍यांनी एकनाथ शिंदेंच्या नेतृत्त्वात बंड करताना निधी वाटपाचंच कारण दिलं होतं. आता तसेच आरोप मंत्री अतुल सावेंवर होत आहेत. विशेष म्हणजे त्यांच्याच पक्षाच्या राज्यमंत्री त्यांच्यावर हे आरोप करत आहेत.