विवाहित महिलेच्या आईने विजयदुर्ग पोलीस ठाण्यात दिलेल्या जबाबावरून या विवाहित महिलेच्या आत्महत्याप्रकरणी पती सूरज सुहास भाबल, सासरे सुहास शिवराम भाबल आणि सासू सुहासिनी सुहास भाबल या सासरच्या तीन संशयीत व्यक्तींविरोधात गुन्हा दाखल करण्यात आला आहे. याप्रकरणी शुक्रवारी १८ एप्रिल रोजी तीन संशयिताना अटक करण्यात आल्याची माहिती विजयदुर्ग सागरी पोलीस ठाण्याचे पोलीस निरीक्षक मनोज सोनवलकर यांनी दिली आहे. याप्रकरणी विवाहित महिलेची संशयित असलेली नणंद पूजा हिचा शोध सुरू असल्याची माहितीही पोलिसांनी दिली आहे.
Pune Crime : खाजगी सावकाराचा जाच, पैशांसाठी सतत… तरुणाचं टोकाचं पाऊल; पुण्यातील घटनेने खळबळ

नेमकं काय घडलं?

१५ एप्रिल रोजी सायंकाळी ५ वाजून ४५ मिनिटांच्या सुमारास विवाहिता आपल्या दोन्ही छोट्या मुलांना घेऊन घरातून बाहेर पडली होती. १६ एप्रिल रोजी सांयकाळी ६ वाजता महिलेचा मृतदेह आणि मुलगा श्रेयश, वय ६ वर्ष, या दोघांचेही मृतदेह देवगड तालुक्यातील तीर्लोट आंबेरी खाडी किनारी आढळले. यानंतर पोलिसांनी शोधाशोध केली असता मुलगा दुर्गेश, वय वर्ष ५, याचाही मृतदेह आढळला. त्यानंतर एकच खळबळ उडाली.
Ulhasnagar News : लोकलमधून पडून २५ वर्षीय तरुणाचा मृत्यू, उल्हासनगर – अंबरनाथ दरम्यान रेल्वे अपघातात दुर्दैवी अंत

मृत विवाहितेच्या आईचे गंभीर आरोप –

माझी मुलगी शिरीषा सुरज भाबल ही लग्न झाल्यानंतर आमच्या घरी आल्यानंतर ती आम्हाला सांगायची, मला सासरची मंडळींसह नणंद पूजा हे सगळे टोचून बोलतात, त्रास देतात. त्यामुळेच याआधीही दोन वेळा तिने जीव देण्याचा प्रयत्न केला होता. मात्र मी दोन्ही मुलांकडे पाहून जीव दिला नाही, असंही आपल्याला मुलीने यापूर्वी सांगितलं होतं, अशी तक्रार विवाहित महिलेची आई चंद्रकला लोकेश कुमार यांनी पोलीस ठाण्यात केली आहे.

या प्रकरणाची गंभीर दखल घेऊन सासरच्या मंडळींविरोधात गुन्हा दाखल करण्यात आला आहे. सिंधुदुर्ग जिल्ह्याचे अतिरिक्त जिल्हा पोलीस अधीक्षक ऋषिकेश रावले यांनीही घटनास्थळी भेट देऊन पुढील तपासाच्या सूचना दिल्या आहेत. या विवाहित महिलेच्या आत्महत्या प्रकरणी देवगड तालुक्यातील विजयदुर्ग सागरी पोलीस ठाण्यात भारतीय न्याय संहिता (भी एन एस), २०२३अन्वये ८५, ८६, १०८ ३ (५) छळ करणे, मानसिक आणि शारीरिक त्रास देणं आणि आत्महत्येस प्रवृत्त करणं, अशा स्वरूपाचे गुन्हे दाखल केले आहेत. या प्रकरणाचा अधिक तपास विजयदुर्ग सागरी पोलीस ठाण्याचे पोलीस निरीक्षक मनोज सोनवलकर करत आहेत.