छत्रपती संभाजीनगर शहराला पाणीपुरवठा करणाऱ्या जायकवाडी धरणात मुबलक पाणीसाठा आहे. मात्र असं असतानाही शहराला आठ ते दहा दिवसांआड पाणी येत आहे. याबाबत शिवसेना ठाकरे गटाने ‘लबाडांनो पाणी द्या’ असे आंदोलन पुकारले. याबाबत माहिती देण्यासाठी १७ एप्रिलला दुपारी विधानपरिषदेचे विरोधी पक्ष नेते अंबादास दानवे यांनी पत्रकार परिषद बोलावली. या पत्रकार परिषदेला विरोधी पक्षनेते अंबादास दानवे संबोधित करत होते त्याचबरोबर इतर पदाधिकारी उपस्थित होते. मात्र शिवसेना नेते चंद्रकांत खैरे हे गैरहजर होते. पत्रकार परिषदेमध्ये आंदोलनाची माहिती दिली. शहराला पाणीपुरवठा मिळावा यासाठी समांतर पाणी कुठे योजना आणली. मात्र भाजपने ही योजना बंद पडली. योजना बंद पाडण्यासाठी भाजपने वेगवेगळे आंदोलन मोर्चे काढले.
Maharashtra Politics: भाजपनं गियर बदलला, शहांच्या प्लानवर काम सुरु; फडणवीसांच्या दोन्ही DCMचे होमग्राऊंड रडारवर
छत्रपती संभाजीनगरमध्ये शिवसेनेचा महापौर असताना देखील आम्ही शहरातील नागरिकांना पाणी देऊ शकलो नाही याबाबत शिवसेना पक्षप्रमुख उद्धव ठाकरे यांनी सांस्कृतिक मंडळावर जाहीर माफी मागितली होती असा विरोधी पक्षनेते अंबादास दानवे म्हणाले.महाविकास आघाडीचे सरकार स्थापन झालं उद्धव ठाकरे मुख्यमंत्री असताना त्यांनी याचा पाठपुरावा केला त्यामुळे या योजनेला गती मिळाली होती. मात्र काही कारणांमुळे आमचं सरकार गेलं आणि एकनाथ शिंदे आता देवेंद्र फडणवीस यांचा सरकार आलं आहे. तीन वर्षे उलटूनही सरकार शहराला पाणी देऊ शकले नाही, असा अंबादास दानवे म्हणाले.

छत्रपती संभाजीनगर शहरांमध्ये आमचे महापौर असताना आम्ही शहराला दोन किंवा तीन दिवस आड पाणीपुरवठा केला. आत्ताचे मुख्यमंत्री देवेंद्र फडणवीस हे विरोधात असताना आम्हाला सत्ता द्या आम्ही सहा महिन्यात पाणी देऊन म्हणाले होते. नंतर पुन्हा मोर्चा काढून आम्ही तीन महिन्यात पाणी देऊ असं सांगितलं. आता सरकार मध्ये येऊन तीन वर्षे झाली मात्र आणि त्यापैकी शहराला पाणीपुरवठा होत नाही. यामुळे आम्ही सत्ताधाऱ्यांच्या विरोधात लबाडांनो शहरवासीयांना पाणी द्या हे आंदोलन पुकारला आहे असं विरोधी पक्षनेते दानवे म्हणाले.

या आंदोलनाची माहिती दिल्यानंतर पत्रकारांनी दानवे खैरे यांच्या सुरू असलेल्या वादावर प्रश्न विचारला. खैरेंनी तुमच्यावर आरोप केले, मात्र पक्षप्रमुख उद्धव ठाकरे यांच्या उपस्थितीत तुमचे वाद मिटल्याचं समजलं. मात्र आज पत्रकार परिषदेमध्ये चंद्रकांत खैरे गैरहजर दिसत आहेत असा प्रश्न विचारला. पत्रकाराने प्रश्न विचारतात अंबादास दानवे संतापले. पत्रकारांनी काड्या करू नये, माझी तुम्हाला हात जोडून विनंती आहे. चंद्रकांत खैरे यांनी आमच्यात वाद नाही असे सांगितले त्यामुळे कृपया काड्या करू नका. तुम्हाला बातम्या द्यायच्यात तर द्या नाहीतर देऊ नका. आमच्या पक्षातील वाद मिटवण्यासाठी आम्ही सक्षम असल्याचे दानवे म्हणाले.