“मी माजी मंत्री धनंजय मुंडेंची कॅश पकडली होती. तसेच ईव्हीएमजवळ तुम्ही थांबायचं नाही यासाठी माझ्या अकाउंटवर 10 लाख रुपये दिले. वाल्मिक कराड मला भेटले होते. परळीच्या जवळ राखेच्या सेंटरजवळ आमची भेट झाली होती. आमची ज्या मंगल कार्यालयात राहण्याची व्यवस्था केली होती त्या ठिकाणी ते आले होते. मला शांत राहायला सांगितलं होतं. लोकसभेला बोगस मतदार करु दिलं नव्हतं. यावेळी शांत राहा असं सागितलं होतं. बीडचे अॅडीशन एसपी जे चार वर्षांपासून आहेत, एकाच ठिकाणी ठाण मांडून आहेत ते वाल्मिक कराडचे हस्तक आहेत’, असे गंभीर आरोप रणजित कासले यांनी केले.

“ईव्हीएम मशीन पासून तुम्ही दूर जायचं. ईव्हीएमला जी काही छेडछाड होईल, ते गप्प बसायचं आणि सहन करायचं. परळीला जेव्हा मतदानावेळी अपुरं मनुष्यबळ होतं त्याचवेळी कासलेंना का काढलं? माझी परळीला ईव्हीएम मशीन जवळ पोस्टिंग होती”, असं रणजित कासले म्हणाले.

रणजित कासले यांचे ADG निखिल गुप्तांवर गंभीर आरोप

“ज्याप्रकारे एका बिल्डरच्या सांगण्यावरुन, तो सुरतचा बिल्डर आहे, जो माझा 5 वर्षांपासूनचा मित्र आहे, त्याच्या घरी मी गेलो. त्याच्या घरी मी थांबलो. त्याच्या ऑफिसमध्ये मी थांबलो. तिथे मी आराम केला. ते फोटो आणि बँक अकाउंटला आलेल्या पैशांचे फोटो दाखवणार आहे. पैसे आले आहेत, पण कुणाच्या अकाउंटला आहेल आहेत, माझ्या अकाउंटला जेवढे 10 लाख रुपये आले तेवढेच त्या अकाउंटला देखील आले आहेत. धनंजय मुंडे यांचे ते पैसे आले आहेत. पण त्यांनी ते चुकीचे दाखवले आहेत. त्यावरुन मला एडीजी निखिल गुप्ता यांनी बिल्डरच्या सांगण्यावरुन सहा तासात सस्पेंड केलं आहे. म्हणजे निखिल गुप्ता आणि त्यांची पार्टनरशिप आहे. राज शॉपिंग सेंटर, निधी शॉपिंग सेंटर हे निखिल गुप्तांचे आहेत. त्यांनी माझी 6 तासात चौकशी केली आणि निलंबित केलं. विशेष म्हणजे पत्र यायला 24 तास लागतात”, असा आरोप रणजित कासले यांनी केला.