सुनील आणि नागेश हे दोघे सख्खे भाऊ बिलोली शहरातील आंबेडकर नगर येथे राहत होते. सुनील हा मोठा तर नागेश हा लहान भाऊ होता. शहरापासून तीन किलोमीटर अंतरावर असलेल्या सुलतानपूरमध्ये त्यांच्या दोघांचीही शेती आहे. याच शेतीवरून दोघांमध्ये पूर्वीपासून वाद होत असे. मृत सुनील प्रल्हाद लाखे याचा विवाह झाला नव्हता. त्यामुळे तो नेहमी संपत्तीची वाटणी करण्यासाठी आग्रही होता. यासाठी त्याने भावाच्या पत्नीला अनेकवेळा शिवीगाळही केली होती.
Bihar Crime : व्यक्तीचे मेहुणीशी प्रेमसंबंध, पत्नीचं मात्र दुसऱ्याशी जुळलं; एका मृत्यूनं कोडं उलगडलं; नेमकं काय घडलं?
भावाकडून होणाऱ्या नेहमीच्या त्रासाला वैतागलेल्या नागेश लाखे याने सुनील लाखे याच्यावर बुधवारी रात्री ११ वाजेच्या सुमारास राहत्या घरी धारदार शस्त्राने हल्ला केला. या हल्ल्यात सुनीलचा जागीच मृत्यू झाला आहे. भावाची हत्या केल्यानंतर आरोपी पसार झाला होता. घटनेची माहिती मिळताच बिलोली पोलीस घटनास्थळी पोहोचले. याप्रकरणी खुनाचा गुन्हा दाखल करत पोलिसांनी आरोपीला अटक केली आहे. सहाय्यक पोलीस निरीक्षक श्रीमती शिंदे हे या प्रकरणाचा अधिक तपास करत आहेत. दरम्यान आज कायदेशीर सोपस्कार व उत्तरीय तपासणीनंतर सुनील लाखे याच्या पार्थिवावर अंत्यसंस्कार करण्यात आले. या घटनेने संपूर्ण शहर हादरले आहे.