हिंदुहृदय सम्राट बाळासाहेबांच्या नावाने अमित शाहांनी एक बनावट शिवसेना तयार केली आहे त्यांनी टीका करू नये. महाराष्ट्रामध्ये अमित शहांनी निर्माण केलेली शिवसेना काही लोकांना चालवायला दिली आहे. याआधीच्या मुंबईतील शिबिरामध्ये असा प्रयोग आम्ही केला. तेव्हा त्यांचं लक्ष गेलं नाही, तंत्रज्ञान पुढे गेले आहे. पंतप्रधान नरेंद्र मोदी यांनी AI तंत्रज्ञानाने देश कसा पूढे नेतोय याबाबत काही भूमिका स्पष्ट केल्या आहेत. बाळासाहेब ठाकरे यांचा या लोकांशी काय संबंध आहे? अमित शाहांनी एक बनावट संघटना निर्माण करत त्याला शिवसेना हे बनावट नाव द्यायला लावलं म्हणून बाळासाहेब ठाकरे यांच्यावर त्यांचा अधिकार होत नाही, असंही संजय राऊत म्हणाले.

धर्मवीर वेबसीरीज आहे, त्याचे पाच पंचवीस भाग काढत राहतील. तो चित्रपट काही मी पाहिला नाही पण लोकं सांगतात . या लोकांपेक्षा आनंद दिघेंना मी जास्त ओळखतो, त्यांच्या नावाने बनावट भूमिका, विचार आणि संवद निर्माण केलेले चालले का? तुम्ही धर्मवीरांचं आम्हाला शिकवू नका, तुमच्यापेक्षा फार जवळ आम्ही राहिलो. आमचे राजन विचारे फार जास्त त्यांच्या जवळ होते. आनंद दिघेंना बनावट पद्धतीने पडद्यावर आणलं त्याच्यावरून आम्ही वाद करू पण जे बाळासाहेब ठाकरे उद्धव ठाकरे यांचे वडील आहेत आणि शिवसेनेचे निर्माते आहेत. आम्ही जर अमित शहांवर काही केलं असतं तर ठीक आहे त्यांची तक्रार योग्य आहे. कारण ते त्यांच्या पक्षाचे नेते आहेत. आम्ही शिवसेना प्रमुखांवर केलं आहे तर तुमचा संबंध काय असा सवाल संजय राऊतांनी केला आहे.