भूसंपादनाच्या कारणामुळे टप्प्याटप्प्याने बुलेट ट्रेनचा मार्ग खुला करण्याचे नियोजन आहे. सुरत ते बिलिमोरादरम्यान ४८ किमीचा बुलेट मार्ग १ ऑगस्ट, २०२६पर्यंत पूर्ण झाल्यानंतर त्यावर चाचणी सुरू करण्याचे नियोजन आहे. बुलेट ट्रेनच्या शिंकनसेन ई-३ श्रेणीतील बुलेट ट्रेनची ताशी २७५ किमी वेगाने आणि ई-५ शिंकनसेनची ताशी ३२० किमी वेगाने धावण्याची क्षमता आहे. या श्रेणीतील अत्याधुनिक गाडी ई-१० ही आहे. त्यामध्ये अधिक आरामदायी आसने, ऊर्जा सक्षमता, ध्वनी नियंत्रण अशी व्यवस्था आहे. सन २०३०मध्ये अत्याधुनिक गाडी देशात दाखल होऊन ती संपूर्ण मार्गावर धावेल.
शिवतेज पुन्हा तळपणार! मालवणातील शिवपुतळ्याचे काम पूर्णत्वाकडे, लवकरच होणार अनावरण
राज्यात बुलेट ट्रेनसाठी उन्नत आणि भुयारी अशा दोन्ही स्वरूपांत मार्गिकांची उभारणी होणार आहे. भुयारी मार्गाच्या बांधणीसाठी मोठ्या आकाराच्या टनेल बोरिंग मशिनची (टीबीएम) आवश्यकता आहे. सद्यस्थितीत टीबीएम येण्यासाठी आणखी कालावधी लागेल. परिणामी राज्यातून बुलेट ट्रेन धावती होण्यासाठी सन २०३० उजाडण्याची शक्यता आहे.
मुंबईत ACBची मोठी कारवाई; तब्बल साडेचार कोटींचा मामला, राज्य कर अधिकाऱ्याविरुद्ध गुन्हा दाखल
सध्या, वांद्रे-कुर्ला संकुल (बीकेसी) आणि शिळफाटा दरम्यान २१ किमी लांबीच्या बोगद्याचे बांधकाम सुरू आहे. मुख्य बोगद्यापर्यंत पोहोचण्यासाठी ३.३ किमी लांबीच्या मार्गाचे खोदकाम पूर्ण झाले आहे. पालघर जिल्ह्यातील सात बोगद्यांचे बांधकामही चालू आहे. गुजरातमधील बुलेट ट्रेनसाठीच्या लांबलचक पुलावर (व्हायाडक्ट) ध्वनी अडथळे बसवण्याचे काम सुरू आहे. १५० किमीच्या मार्गावर सुमारे ३ लाख ध्वनिरोधक बसवण्यात आले आहेत. तसेच १३५ किमी मार्गावर बुलेट रुळ उभारणीसाठी काम सुरू झाले आहे. सुरत ते बिलिमोरा मार्गावर बुलेटची प्रथमच चाचणी होणार असल्याने ओव्हरहेड साहित्य बसवण्याचे काम वेगाने सुरू आहे, असे रेल्वे अधिकाऱ्यांनी सांगितले.
BEST Bus Mumbai: सेवानिवृत्त आर्थिक संकटात; बेस्टच्या ४ हजार माजी कर्मचाऱ्यांची तीन वर्षांपासूनची देणी थकली
बुलेट ट्रेन प्रकल्पातील पूर्ण कामे
व्हायाडक्ट बांधणी : २९२ किमी
पिअर बांधकाम : ३७४ किमी
पिअर फाऊंडेशन : ३९३ किमी
गर्डर कास्टिंग : ३२० किमी
पूल बांधकाम : नदीवरील १४ पूल (सर्व गुजरात)
सात स्टील पूल आणि पाच प्री-स्ट्रेस्ड क्रॉक्रीट पूल