लालबाग हा ठाकरे गटाचा बालेकिल्ला मानला जातो. अशातच मुंबई महापालिका निवडणुकांच्या तोंडावर सुधीर साळवी यांच्याकडे पक्षाचे सचिवपद देऊन उद्धव ठाकरे यांनी मोठी राजकीय खेळी केल्याची चर्चा आहे.

कोण आहेत सुधीर साळवी?

सुधीर साळवी हे सुप्रसिद्ध लालबागचा राजा सार्वजनिक गणेशोत्सव मंडळाचे मानद सचिव आहेत. गेली २० वर्ष ते ही धुरा सांभाळत आहेत. त्यासोबतच महर्षी दयानंद कॉलेज आणि ग्लेनईगल्स हॉस्पिटलचे विश्वस्त म्हणून सुधीर साळवी कार्यभार सांभाळतात. आता पक्षप्रमुख उद्धव ठाकरे यांच्या आदेशाने सुधीर साळवी यांच्यावर पक्षाच्या सचिव पदाचीही जबाबदारी सोपवण्यात आली. नियुक्तीचं पत्र काल प्रसिद्ध करण्यात आलं आहे.

सुधीर साळवी यांच्यावर आगामी मुंबई महापालिका निवडणुकीत नियोजनाचा जबाबदारी असल्याची माहिती सूत्रांनी दिली आहे. लोकसभा निवडणुकीत सुधीर साळवी यांनी केलेल्या कामाची दखल ‘मातोश्री’ने घेतल्याची चर्चा ठाकरे गटात रंगली आहे.
Tuljabhavani Temple : पाचपाखाडीत ‘प्रति तुळजापूर’ मंदिर, जितेंद्र आव्हाडांची संकल्पना, पवार दाम्पत्याच्या हस्ते प्राणप्रतिष्ठा
गणेशोत्सव काळात राष्ट्रीय स्तरावरील मोठमोठ्या नेत्यांपासून बॉलिवूड कलाकार, श्रीमंत उद्योगपती हे लालबागचा राजाच्या दर्शनाला येत असतात. यावेळी सुधीर साळवी सर्वांचे आदरातिथ्य करताना पाहायला मिळतात. त्यामुळे साहजिकच सुधीर साळवी यांच्या नावाभोवती एक मोठं वलय निर्माण झालं आहे.
Nashik Old Couple Death : सीमाने लताची मनापासून सेवा केली, तिला ५० हजार ठेवलेत; निवृत्त मुख्याध्यापकाची रडवणारी शेवटची चिठ्ठी

विधानसभा लढण्याची होती इच्छा

सुधीर साळवींनी नुकत्याच झालेल्या विधानसभा निवडणुकीवेळी ठाकरे गटाकडून शिवडी मतदारसंघातून लढण्याची इच्छा व्यक्त केली होती, मात्र ठाकरेंनी विद्यमान आमदार अजय चौधरी यांच्या बाजूने कौल दिल्याने साळवी नाराज झाल्याचं बोललं जात होतं. त्यानंतर साळवी वेगळा निर्णय घेण्याच्या तयारीत असल्याचीही चर्चा होती, परंतु उद्धव ठाकरे यांनी समजूत घातल्यानंतर त्यांनी निष्ठेने ठाकरे गटात राहणंच पसंत केलं.