या वर्षीच्या थीममध्ये हालचालींद्वारे अभिव्यक्तीवर प्रकाशझोत टाकण्यात आला. प्रत्येक सादरीकरणाद्वारे पार्किन्सनग्रस्तांचे अनुभव केवळ अधोरेखित केले गेले नाहीत, तर समाजाला आपली अभिव्यक्ती मान्य करण्याचे, आपल्याला समाविष्ट करुन घेण्याचे आणि पाठिंबा देण्याचे आवाहन देखील करण्यात आले. नृत्याद्वारे सहभागींनी रुढींना आव्हान दिले, आपापले अनुभव मांडले आणि अशाप्रकारे आपण पार्किन्सनग्रस्त या शब्दाच्या पलिकडे असल्याचे ठासून सांगितले.

‘जागरूकता स्वीकृती निर्माण करते’ या जोरदार संदेशाने कार्यक्रमाचा समारोप झाला. पार्किन्सनग्रस्तांना आवाज आणि अनुभवांना व्यासपीठ देऊन पीडीएमडीएसने पार्किन्सन आजाराने ग्रस्त असलेल्या सर्वांसाठी प्रतिष्ठा आणि समाविष्ट करण्याची आपली वचनबद्धता पुन्हा एकदा अधोरेखित केली.

११ एप्रिल हा जागतिक पार्किन्सन दिन म्हणून जगभर साजरा केला जातो. पार्किन्सन्स डिसीज म्हणजेच कंपवात- मेंदूच्या पेशींचा ऱ्हास आणि मेंदूतील डोपामाईन केमिकलची मात्रा कमी झाल्याने होणारा आणि वाढत जाणारा आजार आहे. ज्यामुळे व्यक्तीच्या हालचाली, वाचा, स्मृती, इत्यादींवर परिणाम दिसून येतो. प्रामुख्याने ६० वर्षांवरील व्यक्तींमध्ये या आजाराचे प्रमाण अधिक आढळत असले, तरी तरुणांमध्येही याचे वाढते प्रमाण पाहायला मिळते, ज्याला ‘यंग ऑनसेट पार्किन्सन्स डिसीज’ असे म्हणतात.

‘पार्किन्सन्स डिसीज अँड मुव्हमेंट डीसोर्डर सोसायटी (PDMDS)’ ही संस्था बॉम्बे हॉस्पिटलमधील प्रसिद्ध न्यूरोलोजिस्ट डॉ. भिम सिंघल यांनी २००१ मध्ये स्थापन केली. या संस्थेची देशातील १३ राज्यात एकूण ६४ केंद्रे आहेत. त्याचबरोबर करोना काळात भारतातील सर्व राज्यातील रुग्णांनी यात ऑनलाईन सेवांचा लाभ घेतला आहे. PDMDS मार्फत कंपवाताच्या रुग्णांना मोफत शारीरिक, मानसिक, वाचा इ. उपचार तज्ज्ञांकडून दिले जातात. भारत सरकार द्वारा वैद्यकीय क्षेत्रात विशेष कामगिरीबद्दल डॉ. भीम सिंघल यांना नुकतेच ‘पद्मश्री’ ह्या बहुमानाने सन्मानित करण्यात आले आहे.

पार्किन्सन्सच्या लक्षणांचे योग्य प्रकारे नियोजन करण्यासाठी व ह्या आजारास नियंत्रणात ठेवण्यासाठी औषधोपचार, फिजिओथेरपी, वाचा उपचार, समुपदेशन, डान्स आणि संगीतोपचार, सक्रिय जीवनशैली असे बहुआयामी व्यवस्थापन आवश्यक असते.अधिक माहितीसाठी संपर्क साधा: ९९८७२१६०५७, संकेतस्थळ: www.parkinsonssocietyindia.com ईमेल: pdmds.india@gmail.com