पावसाळा अवघ्या दोन महिन्यांवर आला असून पालिका प्रशासनाकडून नालेसफाईची लगबग सुरू आहे. मात्र याआधी विधानसभा निवडणुकीच्या पार्श्वभूमीवर सप्टेंबर आणि ऑक्टोबर महिन्यात मूलभूत सुविधांच्या विकास योजनेअंतर्गत ठाणे पालिकेने सुमारे १७५ कोटी रुपयांच्या नाले बांधकामासाठी निविदा काढल्या होत्या. शासनाच्या निधीतून होणाऱ्या या कामांसाठी निविदा प्रक्रिया राबवून ठेकेदारांची नियुक्ती करण्यात आली.
Kurla Station News : लोकलमधून अचानक धूर, प्रवाशांच्या रेल्वेतून खाली उड्या, कुर्ला स्थानकात एकच गोंधळ
मात्र, निविदा प्रक्रियेत पारदर्शकता न राखता ठेकेदारांनी बनावट दस्तावेज सादर करून महापालिकेची मोठ्या प्रमाणावर फसवणूक केली आहे. यामध्ये महापालिकेच्या माजिवाडा-मानपाडा, वर्तक नगर, वागळे, कळवा, दिवा आणि मुंब्रा भागांमध्ये नाले बांधकामासाठी निविदा काढण्यात आल्या होत्या. या प्रक्रियेत सहभाग घेतलेल्या ठेकेदाराने बनावट कागदपत्रे सादर केल्याचा आरोप मनसेचे जनहित आणि विधी विभागाचे ठाणे शहर अध्यक्ष स्वप्नील महिंद्रकर यांनी केला आहे.
Thane News : ठाण्यात उन्हाच्या झळांपासून रक्षण करण्यासाठी सिग्नलवर कापडी जाळीचे आच्छादन, महानगरपालिकेचा उपक्रम

फौजदारी गुन्हा दाखल करा

गेल्या पाच वर्षांपासून हा ठेकेदार ठाणे महानगरपालिकेत बनावट कागदपत्रांच्या आधारे कामे मिळवत आहे. इतर ठेकेदारांशी संगनमत करून महापालिकेची फसवणूक करण्याचे प्रकार सुरू असून, महापालिकेच्या अधिकाऱ्यांनी ठेकेदाराच्या कागदपत्रांची योग्य पडताळणी न केल्यामुळे कोट्यवधी रुपयांचे नुकसान होत आहे. या गैरप्रकरणाची गंभीर दखल घेत मनसेने या ठेकेदारासह त्याला मदत करणाऱ्या महापालिका अधिकाऱ्यांवर फौजदारी गुन्हा दाखल करण्याची मागणी केली आहे. तसेच, संबंधित ठेकेदाराला काळ्या यादीत टाकून त्याने गेल्या दहा वर्षांत महापालिकेत केलेल्या सर्व कामांची चौकशी करण्यात यावी, असे महिंद्रकर यांनी आयुक्त राव यांना दिलेल्या निवेदनामध्ये नमूद केले आहे.