अजित पवारांच्या राष्ट्रवादी काँगेसचा अल्पसंख्यांक विभागाचा राज्य उपाध्यक्ष असलेल्या शंतनू कुकडे याच्यावर पुण्यात लैंगिक अत्याचाराचा पोक्सो अंतर्गत गुन्हा नोंदवण्यात आला आहे. शंतनू कुकडेचा पुणे कॅम्प सारख्या उच्चभ्रू परिसरात एक मोठा बंगला आहे. या बंगल्यामध्ये शंतनु गरजू विद्यार्थ्यांसाठी राहण्याची सोय करतो. काही दिवसांपूर्वी दोन विद्यार्थिनी शंतनुकूकडेच्या या बंगल्यामध्ये राहण्यास आल्या होत्या. त्यातील एक विद्यार्थिनी ही अल्पवयीन होती. या दोन्ही विद्यार्थिनींनी शंतनू कुकडे यांनी आपल्यावर बलात्कार केल्याची तक्रार दाखल केल्यानंतर कुकडे वर लैंगिक अत्याचाराचा पोक्सो अंतर्गत गुन्हा नोंदवण्यात आला आहे. इतकंच नाहीत तर कुकडे हा याच ठिकाणी डान्सबार देखील चालवत असल्याचा आरोप करण्यात आला आहे तर धर्मपरिवर्तनाचे रॅकेट सुद्धा राबवत असल्याचं बोललं जातं आहे. यावरूनच आता रवींद्र धंगेकर हे आक्रमक झाले असून कुकडेच्या काळ्या करणाम्यांची यादीच त्यांनी वाचली आहे.

शंतनू कुकडे नावाच्या एका नराधमावर पुणे शहरातील समर्थ पोलीस स्टेशनमध्ये बलात्काराचा गुन्हा दाखल करण्यात आला आहे. खरंतर या व्यक्तीबद्दल यापूर्वी माझ्याकडे काही तक्रारी प्राप्त झाल्या होत्या. परंतु गेल्या काही दिवसांपासून आम्ही सबळ पुराव्यांची जुळवाजुळव करत होतो. हे प्रकरण केवळ बलात्कारापुरते मर्यादित नसून ही व्यक्ती धर्मांतराचे मोठे रॅकेट पुणे शहरात राबवते. गोरगरीब हिंदू कुटुंबांना टार्गेट करून त्यांचे बळजबरीने धर्मांतर घडवून आणले जाते. असा गंभीर आरोप धंगेकर यांनी केला आहे.

तर, काही गरजू कुटुंबातील महिला व मुलींच्या मजबुरीचा फायदा घेत त्यांच्यावर लैंगिक अत्याचाराचे प्रकार या नराधमाकडून केले जातात तसेच काही हाय प्रोफाईल व्यक्तींना मुली पुरवण्यापर्यंतचा उद्योग नराधम करतो. समर्थ पोलीस स्टेशनकडे याबाबत यापूर्वी तक्रारी दाखल होऊन देखील त्यांनी या प्रकरणात हलगर्जीपणा केला आहे. या शंतनु कूकडे कडुन मिळणाऱ्या मलईमुळे संबंधित पोलीस स्टेशनचे अधिकारी आजवर त्याला सांभाळून घेतात, या प्रकरणात देखील मुसा, मुनीर, प्रतीक, सागर, जैन व पूनम आदी नामक व्यक्तींचा सहभाग असून हा तपास अतिशय थंड गतीने व चुकीच्या दिशेने सुरू आहे. असं म्हणतधंगेकर यांनी पोलिसांवर देखील ताशेरे ओढले आहेत.

दरम्यान, माझी पोलीस प्रशासनास विनंती आहे की आपण या सगळ्या प्रकरणाची सीआयडी चौकशी करावी. कुठल्याही परिस्थितीमध्ये हिंदू कुटुंबीयांची अश्या प्रकारची फसवणूक करत धर्मांतराचा प्रयत्न जर कोणी करत असेल तर ते आम्ही खपवून घेणार नाही. या नराधमाच्या बँक खात्यांची चौकशी केली असता देशाबाहेरील ट्रस्ट कडून कोट्यावधी रुपये धर्मांतरासाठी देणगी मिळाल्याचे देखील माहिती मिळाली आहे. हिंदू म्हणजे काय विकाऊ वाटले का….? कोणी यावं पैसे द्यावे आणि त्यांचे धर्मांतर करून त्यांच्यावर अत्याचार करावे…? पुणे शहरात या पुढील काळात या सगळ्या गोष्टी सहन केल्या जाणार नाहीत. असं म्हणत रवींद्र धंगेकर यांनी शिवसेनेत येताच कडवट हिंदुत्वाची भूमिका घेत मैदानात उतरण्याचा इशारा दिला आहे. याबद्दल उद्या पत्रकार परिषद घेऊन रवींद्र धंगेकर आपली सविस्तर भूमिका मांडणार आहेत.

त्यापूर्वीच धंगेकर यांनी उपमुख्यमंत्री अजितदादा यांना देखील विनंती आहे अशा प्रकारच्या नराधम व्यक्तीची पक्षातून तातडीने हकालपट्टी करावी. असं म्हणत अजित पवारांकडे कुकडेवर पक्षातून कारवाई करण्याची मागणी केली आहे.