हवामान विभागाकडून ठाणे, रायगड आणि रत्नागिरी जिल्ह्यांसाठी 1 आणि 2 तारखेसाठी पावसाचा येलो अलर्ट जारी करण्यात आला आहे. तर सिंधुदुर्ग जिल्ह्याला 1 ते 3 एप्रिलपर्यंत पावसाचा येलो अलर्ट जारी करण्यात आला आहे. या काळात वाऱ्याचा वेग हा 30 ते 40 किमी प्रतितास असा असण्याची शक्यता आहे. तर धुळे आणि नंदुरबार जिल्ह्यांना उद्यासाठी पावसाचा येलो अलर्ट जारी करण्यात आला आहे.

हवामान विभागाकडून ऑरेंज आणि येलो अलर्ट

जळगाव, नाशिक, नाशिक जिल्ह्यातील घाट परिसर, नगर या जिल्ह्यांना उद्यासाठी पावसाचा ऑरेंज अलर्ट जारी करण्यात आला आहे. तर 2 एप्रिलसाठी पावसाचा येलो अलर्ट जारी करण्यात आला आहे. पुणे, पुण्यातील घाट परिसर, छत्रपती संभाजीनगर, जालना या जिल्ह्यांना 1 आणि 2 एप्रिल या दिवशी पावसाचा ऑरेंज अलर्ट जारी करण्यात आला आहे. त्यामुळे नागरिकांनी काळजी घेण्याचं आवाहन करण्यात आलं आहे.

कोल्हापूर जिल्ह्याला पुढच्या तीन दिवसांसाठी पावसाचा यलो अलर्ट जारी करण्यात आला आहे. तर सातारा जिल्ह्याला उद्यासाठी ऑरेंज अलर्ट जारी करण्यात आला आहे. तर उद्या आणि 3 एप्रिलसाठी येलो अलर्ट जारी करण्यात आला आहे. सांगली जिल्ह्याला पुढचे तीन दिवस पावसाचा येलो अलर्ट जारी करण्यात आला आहे.
Beed News : ‘जेल अधिक्षकांच्या केबिनमध्ये बसून वाल्मिक कराडने रचला मारहाणीचा प्लॅन’, मीरा गित्तेंचा गंभीर आरोप
बीड जिल्ह्याला 2 आणि 3 एप्रिलसाठी, नांदेड जिल्ह्याला 4 एप्रिलसाठी, लातूर आणि धाराशिव जिल्ह्याला 3 आणि 4 एप्रिलसाठी, अकोला-अमरावतीला पुढच्या दोन दिवसांसाठी, भंडारा जिल्ह्याला 2 ते 4 एप्रिलपर्यंत येलो अलर्ट जारी करण्यात आला आहे. तर बुलढाणा जिल्ह्याला 1, 2 एप्रिलसाठी येलो अलर्ट जारी करण्यात आला आहे. चंद्रपूर, गडचिरोली, गोंदिया, नागपूर, वर्धा, वाशिम, यवतमाळ या सर्वच ठिकाणी अवकाळा पाऊस पडण्याचा अंदाज वर्तवण्यात आला आहे.

विदर्भात तापमानाचा पारा वाढला, पण…

सध्या विदर्भ चांगलाच तापला आहे. विदर्भातील जवळपास सर्वच जिल्ह्यांमधील तापमान ४० अंशांपेक्षा अधिक आहे. यंदा तर होळीपूर्वीच उन्हाळ्याच्या झळा लागण्यास सुरुवात झाली. यामुळे विदर्भवासी हैराण झालेत. मात्र, या आठवड्यात नागपूरसह विदर्भात पावसाच्या सरींची अपेक्षा आहे. त्यामुळे उन्हापासून काहीसा दिलासा मिळणार असल्याचे चित्र आहे.

सध्या दक्षिण छत्तीसगड, मध्य प्रदेश आणि मराठवाडा या भागांत कमी दाबाचा पट्टा तयार झाला आहे. यामुळे विदर्भात १ ते ६ एप्रिल या काळात विविध जिल्ह्यांमध्ये पावसाच्या हलक्या फुलक्या सरींची अपेक्षा आहे. यात अमरावती, अकोला, बुलढाणा आणि वाशिम येथे १ एप्रिल रोजी पावसाची शक्यता आहे. तसेच नागपुरात २ आणि ३ एप्रिल रोजी पावसाची शक्यता आहे.
Beed Crime : ‘वाल्मिक कराडच्या सांगण्यावरुन मला मारहाण’, कैदी महादेव गित्तेचा दावा, दुसऱ्या कारागृहात हलवलं
भंडारा, गोंदिया आणि चंद्रपूर येथे २ ते ५ एप्रिल दरम्यान पावसाचा अंदाज वर्तविण्यात आला आहे. दरम्यान, आज नागपुरात ३९.९ अंश तापमानाची नोंद करण्यात आली. ब्रह्मपुरी येथे राज्यातील सर्वाधिक ४२.२ अंश कमाल तापमानाची नोंद करण्यात आली. तसेच राज्यातील सगळ्यात कमी किमान तापमानाचीही नोंद विदर्भातील गोंदिया (१९.६ अंश) येथे करण्यात आली.