वाल्मिक कराड आणि त्याच्या सहकाऱ्यांनी जेल अधिक्षकांच्या केबिनमध्ये बसून आपल्या पतीला मारहाण करण्याचा प्लॅन रचला असा आरोप मीरा गित्ते यांनी केला. त्यांनी ‘टीव्ही 9 मराठी’ला प्रतिक्रिया दिली. यावेळी त्यांनी गंभीर आरोप केले आहेत. “चुकीचं झालं आहे आणि सगळं काही खोटं आहे. मलाही माहिती मिळाली आहे. त्यांच्यासोबत फोनवर माझंही बोलणं झालेलं आहे”, असा दावा मीरा गित्ते यांनी केला.

‘गुढीपाडव्याच्या अगोदरपासून प्लॅनिंग’

“गुढीपाडव्याच्या अगोदरपासून यांची प्लॅनिंग चालू होती. तुम्ही तीन दिवसांचे सीसीटीव्ही फुटेज मागवून घ्या. कुणी कुणाला मारलं ते स्पष्ट होईल. कारण माझ्या पतीला मारहाण करतानाची घटना सीसीटीव्हीत कैद झाली आहे. त्यांना मारहाण झालेली आहे. एक तर ऑपरेशन झाल्यामुळे त्यांना त्रास होतोय. त्यात त्यांना दवाखान्यात सुद्धा घेऊन गेलेले नाहीत”, असा आरोप मीरा गित्ते यांनी केला.

“तीन दिवसांपासून त्यांची प्लॅनिंग सुरु होती. वाल्मिक कराडने जेलरच्या ऑफिसमध्ये बसून सर्व मारहाणाची प्लॅनिंग केली. तुम्ही तिथले देखील सीसीटीव्ही फुटेज तपासू शकता. 10 लोकांनी मिळून माझ्या नवऱ्याला मारलेलं आहे”, असा दावा मीरा गित्ते यांनी केला.
Kunal Kamra : ‘मुंबईत आल्यावर शिवसेना स्टाईलने स्वागत करु’, राहुल कनाल यांचा धमकीवजा इशारा?

‘अक्षय आठवलेला का हटवलं नाही?’

“इतक्या लवकर कशी ही हालचाल झाली? इतक्या लवकर त्यांना हलवण्यात आलं. म्हणजे यांची काहीतरी प्लॅनिंग चालू आहे. याच गोष्टीसाठी ते काहीतरी करत आहेत. अक्षय आठवलेचं नाव घेण्यात आलं आहे. पण त्यांना तिथून का हटवलं नाही? त्यांना का तिथेच ठेवलं?”, असे सवालही मीरा गित्ते यांनी केले.

“आम्ही सीसीटीव्ही फुटेजची मागणी करणार आहोत. माझ्या नवऱ्याला मारहाण झालेली असताना त्यांना हॉस्पिटलमध्ये का नेलं नाही? यामागे आणखी काही मोठी गोष्ट घडवण्याचा यांचा प्लॅनिंग चालू आहे”, असा मोठा दावा मीरा गित्ते यांनी केला.