सलील कुलकर्णी यांच्या वतीने त्यांच्या मातोश्री रेखा कुलकर्णी यांनी पुरस्कार स्वीकारला. राऊत यांच्या हस्ते धनंजय थोरात यांच्या कुटुंबातील अथर्व थोरात यांचा गौरव करण्यात आला. या वेळी सीआयडीचे निवृत्त अतिरिक्त महासंचालक अशोक धिवरे, ज्येष्ठ नेते उल्हास पवार, माजी आमदार आणि प्रतिष्ठानचे अध्यक्ष मोहन जोशी, ज्येष्ठ वात्रटिकाकार रामदास फुटाणे, शिवसेना उद्धव बाळासाहेब ठाकरे पक्षाचे शहरप्रमुख वसंत मोरे, काँग्रेसचे शहराध्यक्ष प्रशांत जगताप, ‘महाराष्ट्र टाइम्स’चे संपादक पराग करंदीकर, बिपिन गुपचूप, शिरीष बोधनी आदी उपस्थित होते.

Pune Crime: ऑनलाइन गेमिंगच्या नावाखाली फसवणूक; पुण्यातील हायटेक कॉल सेंटरवर 17 तास छापे, 2 जण अटकेत
राऊत म्हणाले, ‘धनंजय हा निष्ठावंत कार्यकर्ता होता. काँग्रेस पक्षात राहून त्यांनी प्रामाणिकपणे काम केले. ते केवळ एकदाच नगरसेवक झाले, तरी पक्षात टिकून राहिले. आज मात्र परिस्थिती अगदी उलटी झाली आहे. काँग्रेसने ज्यांना मुख्यमंत्री, राज्यपाल केले, तेच लोक स्वाभिमान आणि निष्ठा विकून पळून गेले.

आज पश्चिम बंगाल असो की संपूर्ण देश; कार्यकर्ता ही जमातच पूर्णपणे नष्ट करायची, असे केंद्र सरकारने ठरवले आहे. कार्यकर्त्याला बाजारातील भाव द्यायचा प्रकार सुरू असून, निवडून आलेल्या लोकांना हमीभाव पक्का आहे. हा भाव देऊन त्यांना विकत घ्यायचे. ते सोबत आले नाहीत, तर थेट तुरुंगात टाकायचे, अशी दडपशाही सुरू आहे. आज विचारांशी कोणतीही बांधिलकी राहिलेली नाही. हे सरकार निष्ठावंत कार्यकर्ता संपवण्याचे काम करीत आहे.’

Pune Railway Mega Block: पुणे रेल्वे स्थानकावर 14 जूनला विशेष ब्लॉक; अनेक एक्स्प्रेस, लोकल गाड्या रद्द, वेळापत्रक बघूनच घराबाहेर पडा
सर्वांच्या आशीर्वादामुळेच हे कार्य करता आले. या सन्मानामुळे माझ्या कार्याला बळ मिळाले आहे, असे पटेल म्हणाले. भोसले यांनी आपल्या संघर्षमय जीवनप्रवासाला उजाळा दिला. गेल्या १८ वर्षांपासून पुरस्कार दिला जात असून, धनंजय थोरात यांच्यासारखे कार्यकर्ते तयार होण्याची गरज आहे,’ असे जोशी म्हणाले. प्रास्ताविक करंदीकर यांनी केले. सूत्रसंचालन ज्येष्ठ निवेदक सुधीर गाडगीळ यांनी केले. युवराज शहा यांनी आभार मानले