Chandrapur Records Highest Temperature : चंद्रपुरात गेल्या दशकातील मार्च महिन्यात सर्वाधिक तापमानाची नोंद करण्यात आली आहे. एप्रिल – मे महिन्यात उष्णता आणखी वाढण्याची शक्यता आहे.
काय म्हणाले चोपणे –
मार्च महिन्यात चंद्रपूरचे तापमान फारफार ३७ ते ३८ अंशावर जवळपास असते. मात्र यावर्षी तापमान वाढले आहे. तापमान ४२.४ अंशावर पोहचले आहे. मार्च महिन्यातील वाढलेले तापमान बघता एप्रिल आणि मे महिना चंद्रपूरकरासाठी तापदायक ठरु शकतो, अशी शक्यता प्रा. सुरेश चोपणे यांनी व्यक्त केली. मागील शंभर वर्षातील रेकार्ड यावर्षी तुटण्याची भीती त्यांनी बोलून दाखवली आहे.
याला कारणीभूत जागतिक तापमान वाढ, प्रदूषण, वृक्षतोड कारणीभूत असल्याचेही ते म्हणाले. विशेष म्हणजे ग्रामीण भागापेक्षा शहराला तापमानाची झळ अधिक सोसावी लागत आहे. वाढते तापमान बघता नागरिकांनी सावधगिरी बाळगावी, असे आव्हान प्रा. चोपणे यांनी केले आहे.
जगात चंद्रपूर सर्वाधिक तापदायक
विदर्भ जगभरातील सर्वाधिक उष्ण प्रदेशांच्या यादीत येऊ लागला आहे. विदर्भात चंद्रपूर जिल्हात येणारे ब्रह्मपुरी शहर गुरुवारी (२७ मार्च) जगातील आठव्या, नागपूर अकराव्या, तर अकोला आणि चंद्रपूर अनुक्रमे चौदाव्या आणि पंधराव्या क्रमांकाचे उष्ण शहर ठरले होते. चंद्रपूरचे तापमान वाढण्यावरच आहे. आज पारा ४२.४ अंशावर पोहचला आहे. वाढत्या तापमानामुळे नागरिकांचा अंगाची लाहीलाही होत आहे.
चंद्रपूरसह संपूर्ण राज्यभरातच उन्हाचा कडाका वाढला आहे. मुंबईतही तापमानाचा पारा ३५ ते ३८ च्या पुढे गेला आहे. अशात नागरिकांनी त्यांच्या आरोग्याची, तब्येतीची योग्य ती काळजी घेण्याचा सल्ला दिला जात आहे.
लेखकाबद्दलकरिश्मा भुर्केमहाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ४ वर्ष पत्रकारिता क्षेत्रातील अनुभव. सामाजिक, मनोरंजन विश्लेषणात्मक लेखनाची आवड.… आणखी वाचा