IPL Betting News – इंडियन प्रीमियर लीगच्या १८ व्या सीझनला २२ मार्चपासून सुरूवात झाली आहे. आयपीएल च्या सुरूवातीलाच सट्टेबाजीसंबंधी प्रकरण समोर आले आहे. नवी मुंबईतील सानपाड्यात सट्टा लावणाऱ्या रॅकेटचे भांडाफोड झाले आहे.
पोलिस अधिकाऱ्यांनी सांगितले की, गुप्त माहितीच्या आधारावर २६ मार्चला सानपाडातील एका सोसायटीतील रुममध्ये सट्टेबाज कार्यरत असल्याची माहिती मिळाली. ज्यावेळी पोलिसांनी धाड टाकली त्यावेळी तीनही आरोपी रंगेहात पकडले गेले. पोलिस निरीक्षक नीरज चौधरींनी सांगितले की पोलिसांनी केलेल्या छापेमारीत २.६६ लाख रुपयांचे इलेक्ट्रोनिक उपकरणे जप्त केले. आरोपींच्या विरोधात आरोपीविरुद्ध ‘महाराष्ट्र जुगार प्रतिबंधक कायदा’ आणि ‘माहिती तंत्रज्ञान (आयटी) कायद्या’ अंतर्गत गुन्हा दाखल करण्यात आला आहे. त्यांनी सांगितले की, बेटिंग रॅकेटमध्ये सहभागी असलेल्या इतरांचा शोध घेण्यासाठी तपास सुरू आहे.
आयपीएल बेंटिंगमध्ये मुंबई पोलिसांचा सहभागाचा आरोप
मंगळवारी विधानपरिषदेत बोलताना विरोधी पक्षनेते अंबादास दानवे यांनी आयपीएल बेटिंगमध्ये पोलिसांचा बेंटिगमध्ये सहभाग असल्याचा आरोप केला होता. बेटिंगमध्ये मेहुल जैन, कमलेश जैन आणि हिरेन जैन यांचा समावेश आहे. नुकत्याच पार पडलेल्या चॅम्पियन ट्रॉफीमध्ये लोटस २४ नावाच्या अॅपच्या माध्यमातून बेटिंग केली होते. या सर्व व्यक्ती आयपीएलसाठी मुंबईत आल्याची माहिती दानवे यांनी सभागृहाला दिली होती.
सट्टेबाजीचं मोठ प्रकरण समोर
चित्तोडगडमध्ये करण्यात आलेल्या कारवाईत आयपीएल क्रिकेट मॅचवर सट्टा लावणाऱ्या दोघांना अठक केली आहे. त्यांच्याकडून मोबाईल आणि लॅपटॉप जप्त केले आहे. त्याशिवाय सात रजिस्टरमध्ये सात कोटी सट्टा देण्याचा हिशोब पकडण्यात आले आहे. या प्रकरणी पोलिसांची कारवाई सुरू आहे.
लेखकाबद्दलनारायण परब महाराष्ट्र टाइम्स मध्ये कंटेन्ट रायटर म्हणून कार्यरत आहे. २०१७ पासून डिजिटल मीडियामध्ये विविध वेबपोर्टलसाठी काम केले आहे. नवराष्ट्रसाठी कंटेन्ट रायटर म्हणून काम केले असून विविध इंस्टाग्राम पेजसाठी ही कंटेन्टची निर्मिती केली आहे. जनसंपर्क क्षेत्रातही फ्रिलान्सर म्हणून काम करण्याचा अनुभव. ऑल इंडिया रेडिओसाठीही काम केले आहे . क्रीडा, राजकारण, देश-विदेश, मनोरंजन, करिअर, ऑटो या कार्यक्षेत्रांमध्ये विशेष रस.
साठये महाविद्यालयातील माध्यम विभागात २०१७ पासून व्याख्याता म्हणून कार्यरत.… आणखी वाचा