१५ वर्षीय भाच्याची मामाकडून हत्या

गजानन गजकोश (१५, रा. धारावी कोळीवाड्याजवळ, मुंबई) असे मृत भाच्याचे नाव आहे. तर मेघनाथ अशोक तपासे (४१, रा. फ्लॅट नं. १०१, कृष्णाईनगरी, मानाजीनगर, नऱ्हे) असे आरोपी मामाचे नाव आहे. कृष्णाईनगर या भागात ही घटना शुक्रवारी रात्रीच्या सुमारास घडली आहे. मंगेश दत्तात्रय ओव्हाळ यांनी सिंहगड रोड पोलीस ठाण्यात या हत्येप्रकरणी फिर्याद दिली.
Buldhana News : कौटुंबिक वादातून रक्ताच्या नात्याचा दुर्दैवी शेवट; पुतण्यानेच सख्ख्या काकाला संपवलं, कारण हैराण करणारं

मुंबईहून पुण्याला मामाकडे राहायला आला आणि आयुष्याचा शेवट झाला

याबाबत पोलिसांकडून मिळालेल्या माहितीनुसार, मुंबईहून गजानन गजकोश हा १५ वर्षीय मुलगा पुण्यातील आपल्या मामामाकडे राहायला आला होता. मात्र शुक्रवारी रात्री मामाचे भाच्यासोबत किरकोळ भांडण झाले. या भांडणानंतर चिडलेल्या मामा मेघनाथ तपासे याने गजाननला पट्ट्याने मारहाण केली. त्यानंतरही मामाचा राग शांत झाला नाही. त्याने थेट घरातील चाकूने १५ वर्षीय गजाननच्या छातीत डाव्या बाजूस वार केले. त्यात गजानन गंभीर जखमी झाला. धारदार चाकूच्या हल्ल्यात भाचाचा मृत्यू झाला.
Pune Crime : संसार अर्ध्यावर मोडला; सासूकडून छळ, विवाहितेचं टोकाचं पाऊल, पुण्यातील मन हेलावणारी घटना
घटनेची माहिती मिळाल्यानंतर पोलिसांनी आरोपी मामाला तात्काळ अटक केली आहे. याप्रकरणी सिंहगड रोड पोलीस ठाण्यात गुन्हा दाखल करण्यात आला आहे. पुढील तपास सिंहगड रोड पोलीस करत आहेत.

राज्यसह पुण्यात गुन्हेगारी दिवसेंदिवस वाढत असून त्याला आळा घालणे अत्यंत गरजेचे आहे. गुन्हेगारी रोखण्याचे पोलिसांसमोर आव्हान उभे राहिले आहे. पोलिसांनी याबाबत ठोस पाऊले उचलणे गरजेचे आहे. राज्यासह पुण्यात गुन्हेगारीचे प्रकार सर्वाधिक प्रमाणात वाढू लागले आहेत. पुण्यातील वाढती गुन्हेगारी, चोरी, दराडे, माराहाण, हत्येची प्रकरणं रोखणे पोलिसासमोर मोठे आव्हान उभे राहिले आहे.