Prashant Koratkar Car : प्रशांत कोरटकरने छत्रपती शिवाजी महाराज आणि छत्रपती संभाजी महाराज यांच्याबद्दल वादग्रस्त विधान केले, ज्यामुळे त्याच्यावर जोरदार टीका झाली. अनेक दिवसांपासून कोरटकरच्या शोधात पोलिस होते. रोल्स रॉईस गाडीसोबतचे त्याचे काही फोटो हे सोशल मीडियावर व्हायरल होताना दिसले आणि ती गाडी त्याचीच असल्याचा दावा करण्यात आला.
प्रशांत कोरटकर हा सध्या पोलिस कोठडीत असून कोर्टाच्या परिसरात त्याच्यावर काल एका वकिलाकडून हल्ला करण्यात आला. प्रशांत कोरटकरचे काही फोटो आणि रिल्स रोल्स रॉईस कारचे आढळले आणि असा दावा करण्यात आला की, ही लग्झरी गाडी प्रशांत कोरटकरचीच आहे. एका रिल्समध्ये प्रशांत कोरटकर ही गाडी चालवताना देखील दिसला. एका महिन्यापासून या गाडीचा देखील शोध घेतला जात होता.
Prashant Koratkar याची रोल्स रॉईस अखेर मुळशीत सापडली, पुण्याच्या प्रसिद्ध बिल्डरच्या फार्म हाऊसवर आलिशान गाडीशेवटी ही गाडी पिंपरी चिंचवडचे बांधकाम व्यावसायिक तुषार कलाटे यांच्या फार्म हाऊसवर मिळाली. या गाडीबद्दल एक वेगळाच दावा करण्यात आला. या गाडीचा मी मालक आहे असे तुषार कलाटे यांनी म्हटले. ही गाडी प्रशांत कोरटकरची नसून ही माझ्या मालकीची आहे. तीन ते चार महिन्यापूर्वी माझ्या एका मित्रासोबत प्रशांत कोटरटकरची भेट झाली. त्यावेळी त्याने ही गाडी चालवण्याची इच्छा व्यक्त केली आणि त्यावेळीच त्याने हे रिल्स आणि फोटो काढले. गाडीची एक चक्कर मारण्यासाठी त्यांना मागितली.
तुषार कलाटे यांनी म्हटले की, मी कोणत्याही चाैकशीला जाण्यास तयार आहे. ही गाडी मी २०१६ मध्ये घेतली. याबद्दल माझी यापूर्वी सीआयडीकडून चाैकशी झाली आहे. माझ्याकडे याबद्दलचे सर्व पुरावे आहेत. महेश मोतेवार यांच्या कंपनीच्या नावावर ही गाडी आहे, याबद्दल मला आताच माहिती कळालीये. मी ही गाडी बॅंकेकडून घेतलीये. सीआयडीमध्ये केस सुरू असल्याने ही गाडी माझ्या नावावर अजून झाली नसल्याचे त्यांनी सांगितले. यासोबतच तुषार कलाटे यांनी सांगितले की, प्रशांत कोरटकर याच्याशी माझे कोणतेही संबंध नाहीत.
लेखकाबद्दलशितल मुंढेमहाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. राजकीय, मनोरंजन, शिक्षण आणि क्राईम बातम्यांमध्ये विशेष आवड. लोकमत आणि टीव्ही 9 मराठीसह पत्रकारिता क्षेत्रात 6 वर्षांचा अनुभव.… आणखी वाचा