Santosh Deshmukh Murder Case Eyewitnes Update : मस्साजोग गावचे सरपंच संतोष देशमुख यांच्या हत्येच्या प्रकरणाला १०० दिवस उलटून गेले आहेत. एक आरोपी अद्याप फरार असून इतर आरोपींना शिक्षा झालेली नाही. साक्षीदाराने सुदर्शन घुले आणि त्याच्या साथीदारांनी सोनवणे यांच्यासोबत भांडण केल्याची माहिती दिली आहे. या विवादास दहशत निर्माण झाली आणि केज पोलीस आरोपींना पकडून नेले.
मी 6 डिसेंबरला दुपारी १२.३० च्या सुमारास मी मस्साजोगमधील अवादा कंपनीच्या गेटवरील सोनवणे यांच्या चहाच्या टपरीवर चहा घेत होतो. त्यावेळी एक काळयारंगाच्या एमएच-४४ झेड-९३३३ या क्रमांकाची स्कार्पीओ त्वठिकाणी आली. यापुर्वी सदर स्कॉर्पीओ मी अनेकवेळा पाहिकली आहे व ती सुदर्शन घुले याची असल्याचे मला माहीत आहे. त्यामुळे मला तिचा नंबर माहीत आहे. स्कॉर्पीओमधुन सुदर्शन घुले, प्रतिक घुले, सुधीर सांगळे आणि एक अनोळखी व्यक्ती खाली उतरले. ते कंपनीचे सुरक्ष रक्षक अशोक सोनवणे, अमरदिप सोनवणे व भय्यसाहेब सोनवणे यांचेसोबत भांडणे करत होते. त्यामुळे मी तिथे गेलोअसता सुदर्शन घुले आणि त्याचे साथीदार गेटमधुन आतमध्ये सोडा म्हणून सुरक्षा रक्षकांसोबत हुज्जत घलत होते. सुरक्षा रक्षक त्यांना आत सोडत नसल्यामुळे त्यांनी सुरक्षारक्षकांना शिवीगाळ केली सुदर्शन घुले व त्याच्या साथीदारांनी स्वतःच कंपनीचे गेट उघडले व आतमध्ये गेल्याचं प्रत्यक्षदर्शीने सांगितलं.
थोड्यावेळाने मस्साजोग गावचे सरपंच संतोष देशमुख हे आले व ते सुदर्शन घुले व त्याच्या साथीदारांना कंपनी बंद करु नका, गावातील लोकांना रोजगार मिळु द्या अशी विनंती करत होते. त्यावेळी सुदर्शन घुले यांने सरपंच संतोष देशमुख यांना म्हणाला की, “सरपंच तुला बघून घेऊ, तुला जिवंत सोडणार नाही.” अशी धमकी दिली. थोड्यावेळाने केज पोलीस ठाणेतील पोलीस आले व सुदर्शन घुले व त्याच्या साथीदारांना पकडुन घेऊन गेल्याचं प्रत्यक्षदर्शीने सांगितलं.