Summer Special ST Bus: उन्हाळी सुट्टयांच्या काळात प्रवाशांच्या सेवेसाठी राज्य मार्ग परिवहन महामंडळाच्या (एसटी) पुणे विभागाने १५ एप्रिलपासून जादा बस सोडण्याचे नियोजन केले आहे.
पुण्यात नोकरी, शिक्षण किंवा व्यावसायानिमित्त राहणाऱ्यांची संख्या मोठी आहे. उन्हाळ्यात शाळा, महाविद्यालयांना सुट्ट्या सुरू होताच गावी किंवा पर्यटनासाठी बाहेगावी जाण्याचे नियोजन केले जाते. त्यासाठी महिन्याभरापासूनच रेल्वे, एसटी यासह खासगी बसचे सीट आरक्षित केले जाते. मात्र, ज्या कुटुंबीयांचे नोकरीच्या ठिकाणी सुट्ट्या किंवा अन्य कारणांमुळे चार ते आठ दिवस अगोदर बाहेरगावी जायचे नियोजन होते. अशा वेळी रेल्वेचे आरक्षण मिळत नाही. एसटी बसनाही प्रवाशांची मोठी गर्दी होते. त्यामुळे प्रवाशांना चांगली सेवा मिळावी, गावी जाण्यासाठी बससेवा उपलब्ध व्हावी यासाठी पुणे एसटी विभागाकडून १५ एप्रिल ते १५ जून दरम्यान जादा बस फेऱ्यांचे नियोजन करण्यात आले आहे. या जादा बस टप्याटप्याने सोडण्यात येणार असून, नियमीत आणि जादा बसेसचे आरक्षण विभागातील सर्व आगार व बसस्थानकातील आरक्षण कक्षात उपलब्ध आहे. तसेच, ऑनलाइन तिकीटही काढता येणार असून, प्रवाशांनी सुरक्षित सेवेचा लाभ घ्यावा, असे आवाहन विभाग नियंत्रक अरुण सिया यांनी केले आहे.
Ajit Pawar: सोबतीचा फायदा कळलाच असेल, रात्री २ वाजता फॉर्म, अजितदादांनी बनसोडेंच्या उमेदवारीचं गुपितच फोडलं
पुण्यातील स्वारगेट, शिवाजीनगर, वल्लभनगर आणि पुणे स्टेशन आगारांतून कोल्हापूर, सोलापूर, नाशिक, मुंबई, छत्रपती संभाजीनगर, कोकण यासह राज्याच्या कानाकोपऱ्यांत तीनशेपेक्षा जादा बस सोडण्यात येणार आहेत. त्यामुळे गावी जाणाऱ्या प्रवाशांची सोय होणार आहे.
गर्दीनुसार बसचे नियोजन
स्वारगेट आगारातून बोरिवली, ठाणे, दादर, सोलापूर, कोल्हापूर, कल्याण, पंढरपूर या ठिकाणांसाठी, पुणे स्टेशन आगारातून दादर आणि शिवाजीनगर आगारातून छत्रपती संभाजीनगर, नाशिक, लातूर, धुळे, अकोला, सोलापूर, भीमाशंकर, बोरिवली या मार्गावर नियमित बस धावतात. दर वर्षी उन्हाळ्यामध्ये तीनशे ते पाचशे जादा बस फेऱ्यांचे नियोजन केले जाते. त्यानुसार यंदाही प्रवाशांच्या गर्दीनुसार जादा बस सोडण्यात येणार आहेत.
‘होय, मी काळी आहे!’ रंगावरुन टिप्पणी, केरळच्या मुख्य सचिवांचे समाजाच्या मानसिकतेवर बोट
पुणे एसटी विभागाकडून १५ एप्रिल ते १५ जून दरम्यान जादा बस फेऱ्यांचे नियोजन करण्यात आले आहे. या जादा बस टप्प्याटप्याने सोडण्यात येणार असून, नियमित आणि जादा बसचे आरक्षण विभागातील सर्व आगार व बसस्थानकातील आरक्षण कक्षात उपलब्ध आहे. ऑनलाइन तिकीटही काढता येईल. – अरुण सिया, विभाग नियंत्रक, एसटी
‘वक्फ’बाबत साशंकता; विधेयकाविषयी माहिती देण्यासाठी आयोजित बैठक केंद्राने रद्द केल्याने चर्चेला उधाण
या आगारांतून पुढील मार्गावर जादा बस सोडण्यात येणार
■ स्वारगेट : तुळजापूर, सोलापूर, नाशिक
■ शिवाजीनगर : लातूर, धुळे, बीड, वाशीम, चाळीसगाव
■ भोर : नाशिक आणि सोलापूर
■ नारायणगाव : नाशिक आणि संगमनेर
■ राजगुरुनगर : नाशिक, बीड, त्र्यंबकेश्वर
■ तळेगाव : सोलापूर, लातूर, अकोला, मुक्ताईनगर, तासगाव
■ शिरूर : छत्रपती संभाजीनगर, अहिल्यानगर
■ बारामती : लातूर, परळी, सोलापूर
■ एमआयडीसी, बारामती: अहिल्यानगर, सातारा, गोंदवले
■ इंदापूर : बीड, सोलापूर, लातूर, अक्कलकोट, कोल्हापूर
■ सासवड : सोलापूर, पंढरपूर, आदमापूर
■ दौंड : बारामती, जळगाव, बीड
■ पिंपरी-चिंचवड : चिपळूण
■ मंचर : छत्रपती संभाजीनगर, अक्कलकोट
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा