माळशिरस तालुक्यातील पिंपरे येथील ही महिला सदोबाचीवाडी येथे राहते. गेल्या आठ वर्षांपासून ती गावातील एका तरुणासोबत लिव्ह इन रिलेशनशीपमध्ये आहे. तो तिच्याच घरात राहतो. १८ मार्च रोजी तिचा पुतण्या तिला भेटण्यासाठी गावाकडून आला होता. रात्री जेवणखाण झाल्यानंतर घरात फिर्यादी झोपली. तिच्यासोबत राहणारा तरुण रात्री कामावरून परत येऊन किचनमध्ये जावून झोपला.
Crime News : योगा शिक्षकाचं अपहरण, नंतर ७ फूट खड्ड्यात जिवतं पुरलं; तीन महिन्यांनी भयंकर घटना समोर
रात्री अडीचच्या सुमारास तिच्या पुतण्याने दोघा अनोळखी व्यक्तींना घरात बोलावले. ते हातामध्ये कुऱ्हाड, लाकडी दांडके घेवून आले. फिर्यादी चुलतीला पुतण्याने तु लिव्ह इनमध्ये का राहते, तुझ्या अशा वागण्याने समाजात आमची अब्रू जाते असे सांगत त्याच्या हातातील कुऱ्हाड फिर्यादीच्या डोक्यात मारली.

दोघा अनोळखींकडून दांडक्याने मारहाण करण्यात आली. तिच्या घरातील किचनमध्ये झोपलेल्या तरुणालाही कुऱ्हाडीने मारहाण करण्यात आली. त्यात जो जखमी झाला. डोक्यातून रक्त येऊ लागल्यानंतर या दोघांनी जोराचा आरडाओरडा केला. त्यामुळे आजूबाजूचे लोक जमा होतील या भीतीपोटी हे तिघे हत्यारे टाकून पळून गेले. दरम्यान या महिलेची सून आणि मुलगा घराबाहेरच्या खिडकीतून मारहाणीचा हा प्रकार पाहत होते. त्यांच्याच साथीने हा प्रकार घडला असावा अशी शक्यता फिर्यादीत व्यक्त करण्यात आली.

दरम्यान, अशाप्रकारे मारहाण, हत्येच्या अनेक घटना महाराष्ट्रासह देशभरात घडताना दिसत आहेत. या वाढत्या घटनांमुळे आरोपींवर, हल्लेखोरांवर, चोरट्यांना पोलिसांचा धाक उरला आहे, की नाही असाच प्रश्न होतो. हल्लेखोर पोलिसांची कोणतीही भीती न बाळगता हत्या, मारामारी करतात दिसतात. यात अनेकांचा जीव जात असून सर्वसामान्यांमध्ये मात्र भीतीचं वातावरण निर्माण होतं.