Shirdi Sai Sansthan News : शिर्डीचे साईबाबा देवस्थान(Saibaba Temple) हे देश-विदेशातील कोट्यवधी साईभक्तांसाठी श्रद्धेचं आणि आस्थेचं स्थान आहे. जगभरातील कोट्यवधी साईभक्त दरवर्षी साईबाबांच्या दर्शनासाठी शिर्डीत(Shirdi) येत असतात. आता मात्र साक्षात साईबाबांच्या मुळ ‘चर्म पादुका’ देशभरातील विविध शहरांमध्ये भाविकांना दर्शनासाठी उपलब्ध होणार आहेत.
शिर्डीचे साईबाबा देवस्थान(Saibaba Temple) हे देश-विदेशातील कोट्यवधी साईभक्तांसाठी श्रद्धेचं आणि आस्थेचं स्थान आहे. जगभरातील कोट्यवधी साईभक्त दरवर्षी साईबाबांच्या दर्शनासाठी शिर्डीत(Shirdi) येत असतात. आता मात्र साक्षात साईबाबांच्या मुळ ‘चर्म पादुका’ देशभरातील विविध शहरांमध्ये भाविकांना दर्शनासाठी उपलब्ध होणार आहेत. पहिल्या टप्प्यात महाराष्ट्रासह कर्नाटक, तामिळनाडू या तीन राज्यतील आठ शहरांमध्ये या पादुका दर्शनासाठी उपलब्ध असतील. १० ते १३ एप्रिल पर्यंत महाराष्ट्रातील सांगली शहर आणि जिल्ह्यातील पेठ वडगाव येथे साईबाबांच्या मूळ चरण पादुका भाविकांना दर्शनासाठी उपलब्ध असणार आहेत.
दक्षिणेतही जाणार पादुका
१४ ते १८ एप्रिलपर्यंत कर्नाटक राज्यातील दावनगेरे, मल्लेश्वरम येथे पाच दिवस साईबाबांच्या पादुका भाविकांना दर्शनासाठी उपलब्ध असणार आहेत. यानंतर १९ ते २५ एप्रिल पर्यंत तामिळनाडू(Tamilnadu) राज्यातील सेलम, करूर, पुलीयमपट्टी, धर्मापुरी येथे या पादुका भाविकांना दर्शनासाठी उपलब्ध असतील. २६ एप्रिल रोजी धर्मापुरी येथून साई बाबांच्या पादुका पुन्हा शिर्डीकडे रवाना होतील. असा तब्बल २७७६ किलोमीटरचा या मूळ चर्म पादुकांचा दौरा असणार आहे. शिर्डीचे साईबाबा संस्थान आणि स्थानिक आयोजन कमिटीच्या वतीने हा पादुका दर्शन सोहळा आयोजित करण्यात आला आहे.
या दर्शन सोहळ्यादम्यान स्थानिक आयोजन कमिटीच्या वतीने विविध धार्मिक कार्यक्रमांचे आयोजन करण्यात आले आहे. ज्या ठिकाणी पादुका सोहळा आयोजित करण्यात आला आहे, त्याच ठिकाणी पादुका ठेवण्यात येणार आहेत. कोणत्याही भाविकांच्या घरी या पादुका नेण्यात येणार नाहीत. साई संस्थानच्या अधिकाऱ्यांसह सुरक्षारक्षक तसेच साई मंदिरातील पुजारी असा एकूण २० कर्मचाऱ्यांचा या पादुका सोहळ्यात सहभाग असणार आहे.