एका मजुरी करणाऱ्या मातेने आपल्या अवघ्या ३ वर्षांच्या निष्पाप बाळाला दगडाला बांधून ठेवले… या हृदयद्रावक घटनेचा व्हिडिओ सोशल मीडियावर मोठ्या प्रमाणावर व्हायरल झाला आणि पाहणाऱ्यांचे डोळे पाणावले. आईच्या या कृतीमागे क्रूरता नव्हती, तर असहायता आणि गरिबीचा आक्रोश होता. या घटनेने पुन्हा एकदा “गरिबी वाईट नसते, ती माणसाला लढायला शिकवते” हे दाखवून दिलं. सातारा जिल्ह्यातील महाबळेश्वर तालुक्यातील ही घटना असून, हा व्हिडीओ पाहून कुणाचंही काळीज पिळवटून जाईल. लहानग्या मुलाला दगडाला बांधून आई मजुरीचे काम करत होती. दरम्यान, यूट्यूबर शीतल दानवले यांनी या मुलाचा व्हिडिओ शूट केला असून, त्या मुलाच्या आईला यासंदर्भात काही प्रश्न विचारताना दिसत आहेत.