छत्रपती शिवाजी महाराजांच्या आयुष्यात पन्हाळा किल्ल्याला अनन्यसाधारण महत्त्व आहे. स्वतः महाराजांनी या किल्ल्यावर 133 दिवस वास्तव्य केले होते. तसेच सिद्धी जोहरने टाकलेला पन्हाळ्याचा वेढा असेल, बाजीप्रभू देशपांडे आणि बांदल सेनेने दिलेले बलिदान असेल किंवा त्यानंतर स्वराज्याचे दुसरे छत्रपती संभाजी महाराजांचे वास्तव्य असेल असे ऐतिहासिक महत्त्व या किल्ल्याला आहे. मात्र तरीही या किल्ल्यावर छत्रपती शिवाजी महाराजांचा एकही पुतळा नसल्याने याठिकाणी शिवस्मारक व्हावे अशी मागणी करण्यात येत होती.

पन्हाळा किल्ल्यावर शिवछत्रपतींचे स्मारक असावे ही मागणी सर्वप्रथम 2012 साली करण्यात आली होती. त्यावेळी तत्कालीन अर्थमंत्री अजित पवार यांनी या कामासाठी 5 कोटींचा निधी मंजूर केला होता. पन्हाळा किल्ल्यावरील तळ्याच्या मध्यभागी चौथरा बांधून त्यात हे स्मारक उभारण्यात येणार होते. मात्र काही कारणांमुळे शिवस्मारकाचे हे काम पूर्ण होऊ शकले नाही. पण आता हे काम पूर्ण होणार आहे. उपमुख्यमंत्री एकनाथ शिंदे यांनी यासाठी निधीची देखील तरतूद केली आहे.
Devendra Fadnavis यांच्या आरोपांचं Supriya Sule यांच्याकडून खंडन, म्हणाल्या, ‘त्या लोकांना मी ओळखतही नाही’
अखेर कोल्हापूरचे आमदार चंद्रदीप नरके, राजेश क्षीरसागर, प्रकाश आबिटकर यांनी आता पुन्हा या मागणीचा पाठपुरावा केला. विधानभवनात आज झालेल्या बैठकीत उपमुख्यमंत्री एकनाथ शिंदे यांनी कोल्हापूर जिल्ह्यातील आमदारांची आणि लाखो शिवप्रेमींची ही मागणी मान्य करत शिवस्मारकाचा कामासाठी तत्काळ 10 कोटींच्या निधीला मंजुरी दिली. तसेच नगरविकास विभागाकडून तत्काळ तसा जीआर काढून हा जीआर आजच या आमदारांच्या हाती सुपूर्द करण्यात आला.

यावेळी आरोग्य मंत्री प्रकाश अबीटकर, आमदार राजेश क्षीरसागर, आमदार चंद्रदीप नरके, नगरविकास विभागाचे प्रधान सचिव असीम गुप्ता, उपमुख्यमंत्र्यांचे प्रधान सचिव नवीन सोना आणि इतर अधिकारी आवर्जून उपस्थित होते.