Koyata Gang Arrested : पुणे जिल्ह्यातील रांजणगाव एमआयडीसी पोलीस ठाण्याच्या हद्दीत एका युवकावर कोयत्याने जीवघेणा हल्ला करून पळून जाणाऱ्या कोयता गॅंगला बीडच्या केज पोलिसांनी मस्साजोग येथे सिनेस्टाईल पाठलाग करत ताब्यात घेतले. आता पुणे पोलीस या सात जणांना या गुन्ह्याच्या तपासात अटक करणार आहेत.
मिळालेल्या माहितीनुसार, पुणे जिल्ह्यातील रांजणगाव एमआयडीसी पोलीस ठाण्याच्या हद्दीत एका युवकावर कोयत्याने जीवघेणा हल्ला करून पळून जाणाऱ्या कोयता गॅंगला बीडच्या केज पोलिसांनी मस्साजोग येथे सिनेस्टाईल पाठलाग करत ताब्यात घेतले. आता पुणे पोलीस या सात जणांना या गुन्ह्याच्या तपासात अटक करणार आहेत. ओंकार देशमुख, गिरीश कराळे, रोहन बोटे, शंकर करंजकर, ओम चव्हाण, रोहन गाडे यांच्यासह अन्य आरोपींचा यामध्ये समावेश असून त्यांच्यावर यापूर्वी गंभीर गुन्हे दाखल आहेत.
पुणे पोलीस या टोळीच्या शोधात होते. ही टोळी केज परिसरात दाखल झाल्याचे समजताच पुणे पोलिसांनी केज येथे संपर्क साधत पोलीस निरीक्षक वैभव पाटील यांना माहिती दिली होती. त्यानुसार मस्साजोग येथील पेट्रोल पंपाजवळ पोलिसांनी सापळा लावला होता. सायंकाळच्या सुमारास तीन मोटरसायकलवर गिरीश कराळे, रोहन बोटे, शंकर करंजकर, ओंकार देशमुख, ओम चव्हाण, रोहन गाडे व इतर एक असे सात जण येत असल्याचे दिसले पोलिसांनी त्यांना थांबवण्याचा प्रयत्न करतात ते मोटरसायकल सोडून शेतात पळून जाऊ लागले. त्यानंतर पोलिसांनी त्यांचा पाठलाग करत त्यांना ताब्यात घेतले. आता या सर्व आरोपींना पुणे पोलीस ताब्यात घेणार असून त्यांच्यावर दाखल गुन्ह्यांची चौकशी केली जाणार आहे.
पुण्यात अनेक गंभीर घटना घडवून आणणऱ्या कोयता गॅंगमुळे नागरिकांमध्ये भीतीचे वातावरण आहे. २३ मार्च रोजी या टोळीने एका युवकावर कोयत्याने हल्ला करत त्याला गंभीर जखमी केले होते. फरार असलेल्या या कोयता गॅंगला अटक झाली आहे. या टोळीच्या काही सदस्यांना पकडल्याने या टोळीची पाळंमूळं खणून काढण्यात पोलिसांना मदत होणार आहे.