उपमुख्यमंत्री एकनाथ शिंदेंची एन्ट्री अन् दालनातील अनेक नेतेमंडळीसह आमदार तडक उठून उभे राहिले… पण आदित्य ठाकरे आपल्या खुर्चीवर शांतपणे बसून राहिले. हा व्हिडिओ आहे… मुंबईतील रस्त्यांच्या संदर्भात विधानसभा अध्यक्ष राहुल नार्वेकर यांच्या दालनात पार पडलेल्या सर्वपक्षीय आमदारांच्या बैठकी दरम्यानचा… या बैठकीत उपमुख्यमंत्री एकनाथ शिंदे आणि आमदार आदित्य ठाकरे यांची देहबोली विशेष चर्चेचा विषय ठरलीये… एकनाथ शिंदेंची या बैठकीसाठी एंट्री होताच सभागृहातील अनेक आमदार उठून उभे राहिले. विशेष म्हणजे आदित्य ठाकरेंनीही एकनाथ शिंदेंना पाहून आपलं तोंड फिरवल्याचंही व्हिडिओत दिसून येतंय. पण एकनाथ शिंदे बोलत असताना आदित्य ठाकरे मात्र समोरच्या खुर्चीवर बसून एकनाथ शिंदेंना एकटक पाहत होते. तर दुसरीकडे एकनाथ शिंदेंनीही त्यांच्याकडे पाहिले नाही. ही सर्व घटना कॅमेऱ्यात कैद झाली.