Raj Thackeray Criticize MLA : सतीश भोसले उर्फ खोक्या याचे अनेक कारनामे समोर आले आहेत. खोक्या हा भाजप आमदार सुरेश धस यांचा कार्यकर्ता असल्याने ते देखील विरोधकांच्या निशाण्यावर होते. यावरुन आता राज ठाकरेंनी आमदारांवर खोचक टीका केली आहे.
मुंबईत मनसेचा पदाधिकारी मेळावा पार पडला. यावेळी आगामी स्थानिक निवडणुकांसाठी रणनीती आखण्यात आली आहे. तर कार्यकर्त्यांनाही ठाकरेंनी संबोधित केले. याप्रसंगी बोलताना मनसे अध्यक्ष राज ठाकरे यांनी सध्याच्या राजकीय स्थितीवर भाष्य केले आहे. ठाकरे म्हणाले, राज्यातील मूळ विषय सोडून बाकीच्या विषयात सर्वसामान्यांना भरकटून टाकलं आहे.’ यावेळी ठाकरेंनी विधानसभेतील आमदारांवर देखील खोके भाई म्हणत खोचक टीका केली. तर मनात अनेक गोष्टी साचल्या आहेत, त्या सर्व गुढीपाडवा मेळाव्यात बोलेन, असेही ठाकरे म्हणाले आहेत. 
Sujay Vikhe Patil : ‘माझंदेखील राजकीय पुनर्वसन करा’, सुजय विखेंची भर कार्यक्रमात मागणी
दरम्यान, महापालिका निवडणुका डोळ्यासमोर ठेवून मनसेने पक्षरचनेत फेरबदल केले आहेत. मनसेने आता पहिले पाऊल टाकले आहे. मनसे अध्यक्ष राज ठाकरे यांच्या अध्यक्षतेखाली आज मनसेची अतिमहत्त्वाची बैठक पार पडली. या बैठकीत राज ठाकरे यांनी पक्षात नव्या पदांची स्थापना करत पदाधिकाऱ्यांची नियुक्ती करत असल्याची घोषणा केली आहे. मनसे नेते संदीप देशपांडे यांची मुंबई शहराध्यक्ष म्हणून नियुक्ती करण्यात आली आहे. तर यशवंत किल्लेदार यांची दक्षिण मुंबई शहर उपाध्यक्षपदी नियुक्ती करण्यात आली आहे. कुणाल माईणकर यांची पश्चिम उपनगर शहर उपाध्यक्षपदी नियुक्ती करण्यात आली आहे. योगेश सावंत यांची पूर्व उपनगर शहर उपाध्यक्ष म्हणून नियुक्ती करण्यात आली आहे. मनसेचे ज्येष्ठ नेते बाळा नांदगावकर आणि अविनाश अभ्यंकर हे नेते केंद्रीय समितीत असणार आहेत.
लेखकाबद्दलविमल पाटीलविमल पाटील, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. याआधी सामना, आरएनओ वृत्तसंस्थेमध्ये रिपोर्टर म्हणून काम केलं आहे. पत्रकारिता क्षेत्रात तीन वर्षांचा अनुभव आहे. राजकीय आणि विश्लेषणात्मक बातम्या लिहण्याची आवड.… आणखी वाचा