माळशिरस तालुक्यात पिलीव येथे भाजपच्या शाखा उद्घाटन समारंभात ते बोलत होते. यावेळी पिलीव येथील जिल्हा परिषद सदस्य गणेश पाटील, सरपंच नितीन मोहिते आणि मोहिते गटाचे शेकडो पदाधिकारी आणि कार्यकर्त्यांनी भाजपमध्ये (BJP) प्रवेश घेतला.

या कार्यक्रमात बोलत असताना जयकुमार गोरे यांनी तुफान फटकेबाजी केली. “अख्खा जिल्हा, अख्खं राज्य जयकुमार गोरेला अडवायला रोज सकाळ संध्याकाळी नदीच्या बाजुला जाऊन पूजा घालते, काळ्या बाहुला लावते. रोज पूजा घालतात. एक निवडणूक अशी झाली नाही की माझ्यावर केस झाली नाही. पण कधी थांबलो नाही. कितीही अडवा, कितीही बाहुल्या बांधा पण जोपर्यंत जयकुमार गोरेच्या पाठीशी जनता आणि माझ्या माता-माऊली आहेत, तोपर्यंत जयकुमार गोरेचं तुम्ही काहीही वाकडं करु शकत नाही”.
PM Narendra Modi: गेल्या जन्मी मोदी हे छत्रपती शिवाजी महाराज होते, BJP खासदाराचं अजब वक्तव्य, संसदेत एकच गोंधळ
“कितीही प्रयत्न केला तरी कुणाचं वाईट केलं नाही तर कधीच वाईट होत नाही आणि जो वाईट करतो त्याचं कधीच चांगलं होत नाही. मी कोणाच्या नादाला लागत नाही. माझ्या नादाला कोणी लागायचं नाही. हम किसी के रास्ते में आते नहीं, जो हमारे रास्ते में आते हैं उसे छोडते नहीं”, असा इशाराही जयकुमार गोरे यांनी दिला.

“सावज टप्प्यात आल्याशिवाय मी कधी हात लावत नाही. आता सावज टप्प्यात आलंय, थोडीशी वाट बघा. आज काही जास्तीचं बोलणार नाही”, असंही ते म्हणाले.

माण खटाव सर्वात दुष्काळी पट्टा, पण या पठ्ठ्याने निर्धार केला आणि माझ्या पाठिशी देवा भाऊ उभा राहिला, माझ्या पाठिशी भारतीय जनता पक्ष उभा राहिला. आज माझा माण-खटाव दुष्काळमुक्तीकडे चालला आहे, असंही ते म्हणाले.